AQTО́BE. 20 qańtar. Aqtóbede «Avtobýs» aksııasy barysynda jol qozǵalysy erejeleri buzylýynyń 1303 faktisi anyqtaldy. Bul týraly egemen.kz tilshisi habarlady.
Ústimizdegi jylǵy 15-17 qańtar aralyǵynda ishki ister departamenti ákimishilik polısııa basqarmasynyń qyzmetkerleri Aqtóbe oblysy aýmaǵynda «Avtobýs» jedel-aldyn alý is-sharasyn ótkizdi. Atalǵan is-sharanyń maqsaty – jolaýshylar kólikteriniń apattylyǵyn eskertý jáne jol qozǵalysy qaýipsizdigin qamtamasyz etý. Is-shara aıasynda jolaýshylar men júkterdi júıeli jáne júıesiz tasymaldaýdy júzege asyrýǵa ruqsat qujattarynyń bar-joǵy, avtobýstyń tehnıkalyq jaǵdaıy jáne olardyń bekitilgen talaptarǵa sáıkestigi, avtobýs júrgizýshileriniń reıs aldy medısınalyq jáne tehnıkalyq tekserýden ótýine basty nazar aýdaryldy.
«Avtobýs» profılaktıkalyq is-sharasyn ótkizý barysynda ákimishilik polısııa basqarmasynyń jeke quramy barlyǵy 1303 jol qozǵalysy erejelerin buzýshylyqty, onyń ishinde jyldamdyqty asyrý erejesi buzylýynyń 50 deregin, 17 mas kúıinde kólik quralyn basqarý deregin jáne basqa jol qozǵalysy erejelerin saqtamaýshylyqtardy anyqtady. Anyqtalǵan jol qozǵalysy erejelerin buzǵan júrgizýshiler ákimshilik jaýapkershilikke tartylatyn bolady.
Satybaldy Sáýirbaı.
Derek: egemen.kz.
Sýret: idrive.kz.