Memleket basshysy BAQ ókilderin kásibı merekelerimen quttyqtaı otyryp, gazet oqýdyń mańyzdylyǵyna toqtaldy, dep jazady Egemen.kz Aqordanyń baspasóz qyzmetine silteme jasap.
«Aqparat – qýatty qural. Ásirese, qazirgideı qubylmaly zamanda halyqqa jan-jaqty saraptalǵan, tekserilgen, shynaıy aqparatty usyný asa mańyzdy», dedi Prezıdent.
Memleket basshysy halyqty adastyratyn aqparatqa jol berýge bolmaıtynyn atap ótti. Sondaı-aq, sóz bostandyǵynyń elimizdegi ár bastamany synaý dep túsinbeý kerek ekenin aıtty.
«Baspasóz – qoǵamnyń bet-beınesi. Men kúndelikti gazet-jýrnaldy únemi qadaǵalap otyramyn. «Egemen Qazaqstan», «Kazahstanskaıa pravda», «Aiqyn», «Lıter», «Turkistan», «Ana tili», «Qazaq ádebıeti» basylymdaryn, aımaqtarda shyǵatyn gazetterdi de úzbeı oqımyn. Kóp maǵlumat alamyn, paıdaly aqparat óte kóp. Jalpy, qazirgi tańda gazetterde jarııalanyp jatqan materıaldardyń sapasy joǵary,oqýǵa tartymdy dep aıtqym keledi. Qoǵamnyń tynysyn, zııaly qaýymnyń oı-pikirin bilip otyrý óte mańyzdy dep sanaımyn. Naǵyz ult múddesin kózdegen aqparat quraly eldiń bereke-birligin nyǵaıtý úshin qyzmet etýi kerek. Shyn máninde, gazet shyǵarý jáne gazet oqý úrdisi eshqashan úzilmeýge tıis. Osy sabaqtastyqty saqtap qalý kerek. Bul – órkenıetti elderdiń barlyǵynda qalyptasqan dástúr», dep naqtylady Qasym Jomart Toqaev.