Qyzylorda qalasynda jeńil kólik qoǵamdyq avtobýspen soqtyǵysýy saldarynan bir adam qaıtys boldy, dep habarlaıdy Egemen.kz.
Áleýmettik jelidegi málimet boıynsha, oqıǵa 27 maýsymda bolǵan. Qoǵamdyq avtobýs pen jeńil kólik soqtyǵysyp, oqıǵa ornynda jeńil kólik júrgizýshisi qaza tapqan.
Bul jóninde túsinikteme bergen Qyzylorda oblystyq Polısııa departamenti: «Atalǵan derek boıynsha tergeý áreketteri bastalǵan. Tıisti saraptamalar taǵaıyndaldy. Oqıǵanyń mán-jaıy anyqtalyp jatyr», dep málim etti.