Shyǵyndardy qysqartý is-sharalaryn bastady

«Samuryq-Qazyna» AQ daǵdarysqa qarsy sharalardy iske asyrýǵa kiristi. Bul týraly Úkimet otyrysynda, «Samuryq-Qazyna» AQ Basqarma tóraǵasy О́.Shókeev habarlady. «Álemdik ekonomıkadaǵy teris ózgeristerge baılanysty kompanııalardyń bıznes-josparlary da qaıta qaralatyn bolady. Sonyń ishinde, bekitilgen jospardaǵy shyǵyn kólemi 337 mlrd. teńgege qysqartylady,  ózindik qun 249 mlrd. teńgege tómendetilip, jalpy ákimshilik shyǵyndar 64 mlrd. teńgege, ıaǵnı 16,6 %-ǵa qysqarady. Bekitilgen jospardaǵy kapıtaldy shyǵyn 1,3 mlrd. AQSh dollaryna, tıisinshe 18 %-ǵa qysqartylady», – dedi О́.Shókeev. Sondaı-aq, qordyń ınves­tı­sııa­lyq baǵdarlamasyn 18 %-ǵa qys­qartý josparlanǵan. Qor kompanııalar tobyndaǵy ın­ves­­tısııalyq baǵdarlamalar hımııa­­lyq, taý-ken, qurylys, kólik, mu­naı-gaz salalaryn­da qysqara­tyn bolady. Sony­men qosa, Mem­le­ket­tik ındýs­trııa­lyq-ınno­vasııalyq damý baǵdar­lamasy-2, «Nur­ly Jol» baǵdar­lamasy, «EXPO-2017» kórmesi nysandary men ózge de strategııalyq mańyzy bar jobalar júzege asyryla bermek. О́.Shókeev atap ótkendeı, qazir­gi­deı almaǵaıyp ekonomıkalyq jaǵ­daıda «Samuryq-Qazyna» qory bız­nesti transformasııalaý isine erekshe kóńil bóletin bolady.  «О́tken jyl­dyń 6 qazanynda Memleket basshysy iske qosqan Qordy transformasııalaý baǵdarlamasy qor damýynyń negizi bolyp tabylady.  Baǵdarlama qor kompanııalarynyń daǵdarysty jaǵdaılarǵa degen ımmýnıtetin kúsheı­tedi. Sondyqtan, ekonomıkalyq ólshem­der tómendep jatsa da, biz bul baǵdarlamany toqtatpaımyz», – deıdi О́.Shókeev. Barlyq kompanııalar úshin alda­ǵy 3 jylǵa Jol kartalary jasa­lyp, bekitilgen. Qordaǵy bıznes-úde­ris­terge reınjınırıng jasaý men úz­dik halyqaralyq talapqa saı strate­gııa­lyq holdıng/belsendi ınvestor modeline ótý jumysy da jalǵasady. «2015 jyly biz 10 iri kompanııada operasııalyq transformasııany bas­taımyz, kompanııalar boıynsha 8 myń úderisti zerdelep, qaıta qaraıtyn bolamyz. Jańa KPI, eńbekaqy tóleýdiń greıdırlik tásili, 10 HR-bastama júıe­­leri engiziledi. Qor tobynda IT-qyz­met­tiń ortalyǵyn jasaý jospar­la­nýda, bul 70 mln. AQSh dollaryn únemdeýge múmkindik beredi. Kom­pa­nııa­lar sany 600-den 500-ge deıin qysqarady», – dedi О́.Shókeev. Qor basshysy Jekeshelendirý baǵ­dar­lamasynyń 2015 jyly da jalǵa­syn tabatynyn atap ótti. «2014 jyly jekeshelendirý baǵ­darlamasy aıasynda 64 aktıvti satý jos­parlansa, sonyń 12-si 4,1 mlrd. teńgege (baǵalyq quny 2,5 mlrd. teńge bolǵan) satyldy, 12 kompanııa boıynsha satyp alý kelisimsharty qol qoıý kezeńinde, olardyń jalpy somasy  20,3 mlrd. teńge. Iri 10 kompanııa men taǵy 24 aktıv boıynsha jumystar jalǵasýda. 5 aktıv boıynsha saýda  2016 jylǵa aýystyryldy. Osy jyly Qor toby 17 aktıvti satýdy josparlap otyr», – dep málimdedi «Samuryq-Qazyna» AQ basqarma tóraǵasy. «Egemen-aqparat».