Almatydaǵy turǵyn úılerdiń birinde burynǵy áıelin soqqyǵa jyqqan er adam jaýapkershilikke tartyldy. Sot ony kináli dep tanyp, bir jylǵa bas bostandyǵynan aıyrdy, dep habarlaıdy Egemen.kz.
Almaty qalasynyń Naýryzbaı aýdandyq sotynda áıelge qol kótergen aıyptalýshy M-ǵa qatysty qylmystyq is qaraldy. Sot anyqtaǵandaı, sottalýshy buryn birge turǵan áıeldi úıdiń kireberisinde birneshe ret uryp, densaýlyǵyna jeńil zııan keltirgen.
«Sottalýshynyń kinási jábirlenýshiniń aıǵaqtarymen jáne qylmystyq istiń basqa da materıaldarymen dáleldendi. Aıyptalýshy kinásin moıyndady», delingen habarlamada.
Sottalýshy buzaqylyq jasaǵany úshin kináli dep tanylyp, oǵan 1 jyl bas bostandyǵyn shekteý túrindegi jaza taǵaıyndaldy.
Úkim zańdy kúshine engen joq.