Rejısser Arýan Anartaıdyń «Joqtau» debıýttik fılmi Locarno Film Festival halyqaralyq kınofestıvaliniń konkýrstyq baǵdarlamasyna endi. Shveısarııa kınofestıvali – eń bedeldi óner dodalarynyń biri jáne álemdik kınoındýstrııadaǵy yqpaly zor bestiktiń qatarynda.
Lokarnodaǵy 77-kınofestıval 7-17 tamyz aralyǵynda ótedi. Baıqaýda baq synaıtyn ár fılm bes retke deıin festıvaldyń 10 alańynda kórsetiledi.
Roýd-mývı janryndaǵy fılmde qazaq dalasynyń ár túkpirine saparǵa shyqqandar týraly baıandalady. Keıipkerler túrli oqıǵany bastan keshirip, olardyń ustanymdary men senimi synalady.
Fılmdegi basty rólderdi Qazaqstannyń eńbek sińirgen qaıratkeri Iisbek Ábilmájinov, kórermenge «Qash», «Patrıottar ýaqyty», «Saqtaýshy» kartınalary arqyly tanylǵan, atyshýly «Dástúr» fılminde oınaǵan Ermek Shynbolatov, sondaı-aq atalǵan fılmde alǵash ret ekranǵa shyǵatyn aktrısa Irına Balkova oınaıdy.
«Joqtau» fılmine kompozıtor Sanjar Báıterekov qobyzben ınstrýmentaldy arnaıy mýzyka jazdy.
Jańa týyndy Mádenıet jáne aqparat mınıstrliginiń qoldaýymen túsirilgen.