Azamattardyń osy jylǵy 1 qazanǵa deıin satyp alynǵan bereshegi boıynsha kollektorlyq agenttikter bereshekti retteý rásimin ótkizý týraly talap engizilgen sátten bastap 20 kún ishinde (osy jylǵy 1 qazan) óz boryshkerlerin mindettemeni oryndaý talaptaryn ózgertýge qatysty tıisti ótinish berý quqyǵy týraly habardar etýge tıisti bolady.
Boryshker habarlamany alǵannan keıin kez kelgen ýaqytta mindettemelerdi oryndamaý sebebin, sondaı-aq bereshekti retteýdiń óz nusqalaryn kórsete otyryp, kollektorlyq agenttikke tıisti ótinishpen júginýge quqyly. О́tinishke mindetti túrde kiristerdiń tómendegenin jáne óz mindettemelerin oryndaı almaıtyndyǵyn kýálandyratyn qujattar qosa berilýi kerek.
Eger boryshker málimetter men qujattardy tolyq kólemde ótkizbese, onda kollektorlyq agenttik 10 jumys kúni ishinde qosymsha málimetterdi suratady. Bul rette boryshkerdiń olardy usyný merzimin 5 jumys kúni dep kórsetedi. Qujattardy tıisti merzimde usynbaý boryshkerdiń ótinishin qaraýsyz qaldyrý úshin negiz bolady.
Tolyq qujattar toptamasyn usynǵannan keıin kollektorlyq agenttik ótinishti kúntizbelik 15 kún ishinde qaraıdy. Sheshim qabyldaý kezinde kollektorlyq agenttik boryshkerler sanaty (mysaly, resmı jumyssyz, halyqtyń áleýmettik osal toptarynyń ókilderi), qajetti qujattar tizbesi jáne borysh júktemesin azaıtý jónindegi sharalar aıqyndalatyn ishki qujattardy basshylyqqa alady. Bul aqparat kollektorlyq agenttiktiń resmı ınternet-resýrsynda ornalastyrylýǵa tıis.