Petropavldyń ataýyn Qyzyljar dep ózgertý josparda joq. Másele qaralýy múmkin, biraq ázirge bıliktiń basqa da túıtkildi máseleleri bar, dep habarlaıdy Egemen.kz.
Bul týraly Úkimet otyrysynda Soltústik Qazaqstan oblysynyń ákimi Ǵaýez Nurmuhambetov málimdedi.
«Bizde abattandyrý, jylý jáne áleýmettik-ekonomıkalyq damýǵa qatysty basqa da kóptegen máseleler bar. Búginde bul másele oblysta kóterilmeı jatyr dep aıtpaımyn. Qala ataýyn ózgertýdi jaqtaıtyndar da, ataýdy ózgertýdiń zamany emes deıtinder de bar. Bul saıası másele emes», dedi ákim.
Sondaı-aq ol quzyrly organdar bul máseleni qarastyratynyn qosty.