“ORALMAN” DESE OŃ QARAP, “AZAMAT” BOLSA SOL QARAITYN QANDAI ZAŃ?

Keshe Parlament Senatynda “Qazaqstan Respýblıkasyndaǵy mıgrasııalyq úderister men mıgra­sııa salasynyń zańnamalaryn jetildirý perspektıvalary” atty taqyrypta ǵylymı-praktıkalyq konferensııa bolyp ótti. Ony Senattyń Áleýmettik-máde­nı damý komıtetiniń tóraǵasy Aqan Bıjanov ashyp, júrgizip otyrdy. Alǵashqy bolyp quttyq­taý sózdi Parlament Senatynyń Tór­aǵa­sy Qasym-Jomart Toqaev aıtty. Astanadaǵy EQYU Ortalyǵy­nyń basshysy, elshi A.Kelchev­skıı Más­keýdiń halyqaralyq qa­ty­nastar ınstıtýtynyń profes­sory A.Ka­men­skıı jáne basqalar sóılep, osy máseleniń halyqara­lyq mańy­zy týraly áńgimeledi. Al Eńbek jáne halyqty áleýmettik qorǵaý mınıstri Gúlshara Ábdi­qalyqova mıgrasııalyq úderister jáne olarǵa qoldanylatyn zańna­malardy jetil­dirý perspektı­va­­­lary baǵytyn­da baıandama jasady. Qazir “Halyqtyń kóshi-qony týraly” jańa zań jobasy talqy­laný ústinde ekeni belgili. Atal­mysh kon­ferensııa sol zańdy qabyl­daý aldyn­daǵy úlken pikir almasý ekeni daýsyz. Sony bilgen oralmandar­dyń respýb­lıkalyq “Jebeý” qoǵam­dyq birlesti­giniń dırektory Raqym Áıipuly degen azamat ta osynda kelip, óz pikir­lerin ortaǵa salǵysy kelgen eken, biraq túr­li sebeppen ishke ene almaı qalyp­ty. Onyń aı­týynsha, jańa zań joba­sy boıynsha “oralman” mártebesi azamat­tyq alǵannan keıin birden joıylady eken, qoldanystaǵy zańda solaı jáne sol kúıi qalypty. Raqym Áıipulynyń aıtýynsha, bul durys emes, óıtkeni, barlyq jeńildikter men materıaldyq qoldaýlar bul jaǵdaıda azamatqa berilmeıdi. Al oralman kezinde Qazaqstannyń kómegin alyp, artynan izim-qaıym taıyp turatyn alaıaqtar da joq emes eken. Osy sózderdi kon­feren­­sııada sóılegen Dúnıejúzi qazaqtary asso­sıa­sııasy tóraǵasy­nyń orynba­sary Sultanáli Balǵabaev ta aıtty. Osy­nyń ózi sybaılas jemqorlyqqa da jol ashýda, dedi ol. Qandaı da bir jasandy qujattarmen kelgen bireý­lerge oralman, dep mln.-daǵan teńge kóle­minde qoldaý kórsetip, artynan ondaılardyń joq bolyp ketkenderi de bar. Osy turǵyda qylmystyq ister de qozǵaldy, biraq zań jobasy sol qalpynda qalyp otyr, dedi ol. Sondaı-aq konferensııada se­nator A.Bashmakov, Májilis depýta­ty, zań jobasy jónindegi jumys tobynyń jetekshisi J.Sú­leımenov jáne basqalar sóıledi. Jaqsybaı SAMRAT.