Dzıýdodan 66 kelide Parıj Olımpıadasynyń qola júldegeri Ǵusman Qyrǵyzbaev aldaǵy sporttyq mansabyna qatysty pikir bildirdi, dep jazady Egemen.kz.
Sportshy Olımpıadadan keıin kúreske shabyty ashyla túskenin aıtty.
«Shynymdy aıtsam, Olımpıadadan keıin kúreske degen shabytym ashyldy. Kishkene demalǵan soń, iri dodalarǵa qaıta daıyndala beremiz.
Olımpıada medali men úshin asa qundy medal. Orny erekshe. Olımpıadalyq aýylda turǵan soń, júldeger atanǵanym qatty bilinbegen. О́ıtkeni bári medal alyp jatyr ǵoı. Elge oralǵan soń, halyq syı-qurmetin kórsetip jatyr.
Qazaqstan dzıýdo tarıhynda atym qalyp, kishigirim erlik jasaǵanymdy endi túsinip jatyrmyn», dedi Ǵusman Qyrǵyzbaev Ulttyq Olımpıadalyq komıtetke bergen suhbatynda.