Búgin Astana qalasy máslıhatynyń sessııasynda depýtattar Rıshat Turdybekovty Nura aýdanynyń jańa ákimi qyzmetine saılady, dep habarlaıdy Egemen.kz.
«Astanada Prezıdent Ákimshiliginiń jáne qalalyq máslıhat depýtattarynyń kelisimi boıynsha merıtokratııa qaǵıdatyna sáıkes, Nura aýdanynyń ákimi taǵaıyndaldy. Bul laýazymǵa 44 jastaǵy Rıshat Turdybekov kiristi», delingen elorda ákimdigi taratqan habarlamada.
Rıshat Turdybekov eńbek jolyn 2001 jyldan bastap «Avtolızıng Qazaqstan» JShS (Almaty qalasy) kompanııasynda bastaǵan.
2019 jyldyń qyrkúıek aıynan bastap elordanyń Baıqońyr aýdany ákiminiń orynbasary laýazymyn atqarǵan.
Memleket basshysynyń tapsyrmalary aıasynda Astana qalasynyń ákimi Jeńis Qasymbek aýdan men eldi mekenderdi damytý boıynsha birqatar mindet júktedi.