Jýyrda Ulytaý aýlynda jergilikti týrızmdi damytýǵa baǵyttalǵan birqatar is-shara uıymdastyryldy. Atap aıtsaq, Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıteti men BUU DB-nyń «Turan jolbarysyn reıntrodýksııalaý úshin jaǵdaı jasaý jáne Ulytaý taý jotasynyń tabıǵı jáne tarıhı-mádenı nysandaryn qorǵaýǵa kómektesý» jobasy aıasynda trenıng ótti. Alqaly jıynǵa jergilikti qoǵamdastyq pen sarapshylar qatysty.
Qatysýshylarǵa qymyz qosylǵan toqash pen shubattan jasalǵan balmuzdaq daıyndaý boıynsha sheberlik sabaǵy ótkizildi.
Bıznes-josparlaý baǵytyndaǵy trenıngte genderlik kózqaras eskerile otyryp, balamaly qyzmet túrleri men týrızmdi damytýǵa erekshe nazar aýdaryldy. Atalǵan joba jergilikti turǵyndarǵa aýyldy jerlerde tıimdi týrıstik bıznes quryp, damytý úshin qajetti daǵdylardy úıretýdi maqsat etedi.
Al qatysýshylar osy salada tabysty bıznes-jospar jasaý boıynsha bilim alyp, praktıkalyq quraldardy meńgerdi. Bul olardyń kiristerin arttyryp qana qoımaı, aımaqtyń turaqty damýyna yqpal etetini sózsiz.
«Biz týrızmdi damytý baǵytyndaǵy trenıngter ótkizip, jergilikti turǵyndarǵa qonaqúıler týraly aqparat beremiz. Kádesyılardy qalaı satý kerek ekenin jáne týrısterdiń olardan ne kútetinin túsindiremiz. Is-shara barysynda gesthaýs salǵysy keletin birneshe adam da tabyldy. Bul baǵyttaǵy jumys sózsiz jalǵasady, óıtkeni jergilikti halyq buǵan úlken qyzyǵýshylyq tanytyp, ekotýrızmdi damytýǵa úles qosqysy keledi», deıdi trener Ajar Baıbakısheva.
Sonymen qatar ótken trenıngterdiń nátıjelerin talqylaý, Ulytaý óńirinde jergilikti qoǵamdastyqty jumyldyrý jáne jumyspen qamtýdy arttyrý strategııasynyń tıimdiligin taldaý maqsatynda dóńgelek ústel uıymdastyryldy. Qatysýshylar týrızm taqyrybyndaǵy negizgi máselelerdi talqylady. Jańa týrıstik baǵyttar men nysandar qurý, týrısterdi kóbirek tartý úshin marketıngtik aksııalar ótkizý sııaqty jobany odan ári damytý is-sharalary da aıtyldy.