Maýsymnyń 16-sy kúni Astanadaǵy “Favorıt” turǵyn úı keshenindegi mansardty qurylystyń 17 úleskerine caltanatty túrde páter kiltteri tabys etildi.
Qurylysqa qatysýshy úleskerlerdiń quqyǵyn qorǵaý máseleleri 2009 jyldyń 5 qazanynda Premer-Mınıstr Kárim Másimovtiń tóraǵalyǵymen ótken Memlekettik komıssııa otyrysynda arnaıy qaralǵan bolatyn. Osy oraıda áleýmettik jaǵynan qorǵalýy tıis barlyq úleskerler múddesin qanaǵattandyrý tez arada qolǵa alyndy. Baǵdarlama sharty boıynsha, qurylys úleskerleri aýdany 100 sharshy metrden aspaıtyn bir ǵana páterge ıe bolýy kerek. Úkimet qoldaýymen qurylǵan “Jańa qurylys” JShS aldanyp qalǵan úleskerlerdiń qurylystaǵy páterlerin satyp alýmen aınalysady. Atalǵan qurylys kompanııasy dırektorynyń orynbasary Elena Chaıkanyń aıtýynsha, qazirgi kezge deıin 80 paıyzdyq daıyndyq satysyndaǵy 19 páter satyp alynyp otyr. Bul páterlerdiń ár sharshy metri 90000 teńgeden aınalǵan. “Jańa qurylys” kompanııasynyń turǵyn úımen qamtamasyz etetin taǵy 300 úleskeri bar. Olardyń quqyǵyn qorǵap jáne pátermen qamtamasyz etý baǵdarlamasy osy jyldyń aıaǵyna deıin júzege asyrylmaq.
Al búgingi tańda kórikti turǵyn úıden páter alǵan úleskerler óz qýanyshtaryn jasyrmaı, qala ákimdigine zor alǵysyn bildirdi.
Bı-Bolat SEITAQ, L.N.Gýmılev atyndaǵy Eýrazııa ulttyq ýnıversıtetiniń stýdenti.