MQK men JShS arasynda Almaty onkologııalyq ortalyǵy konsýltasııalyq-dıagnostıkalyq bólimi men zerthanasy - turǵyn emes úı-jaılaryna jóndeý jumystaryna memlekettik satyp alý týraly shart jasalǵan, dep jazady Egemen.kz Joǵarǵy Sottyń baspasóz qyzmetine silteme jasap.
«Talap qoıýshy málimdegen tehnıkalyq sharttarda kózdelmegen qosymsha jumys kólemine jáne jetkizýshiniń qateligine baılanysty, jumysty belgilengen merzimde aıaqtaý múmkindiginiń bolmaýyna baılanysty, JShS Tapsyrys berýshiden merzimdi bir aıǵa uzartý týraly ótinishpen júgingen», delingen habarlamada. Tapsyrys berýshi ótinishten bas tartyp, shartty birjaqty tártippen buzǵan.«MQK oryndaýshyny memlekettik satyp alýdyń josyqsyz qatysýshysy dep taný týraly sotqa talap qoıýmen júgingen. JShS shartty buzýdy zańsyz dep taný týraly qarsy talap qoıýmen júgingen», delingen Sottyń habarlamasynda.
Jergilikti sottar Tapsyrys berýshiniń talap qoıýyn qanaǵattandyryp, Oryndaýshynyń qarsy talaptaryn qanaǵattandyrýdan bas tarta otyryp, sońǵysynyń shart talaptarynda kózdelgen mindettemelerdi oryndamaǵanyn kórsetti.Kassasııalyq saty Seriktestik shartty is júzinde buzǵanǵa deıin, barlyq jumystardy aıaqtaǵanyn atap ótti.«Merzimder Oryndaýshynyń kinásinen buzylmaǵan jáne mundaı buzýshylyqtyń aldyn alý úshin barlyq sharalar qabyldanǵan. Tapsyrys berýshi Oryndaýshynyń áreketinen zardap shekpegen; barlyq jumystardy JShS óz qarajaty esebinen jáne óz materıaldarymen oryndady; talap qoıý kezinde jáne búgingi kúnge deıin nysan jumys isteıdi», dep habarlady Sot. Joǵarǵy Sot birinshi jáne apellıasııalyq satylardyń sot aktilerin buzyp, daýdy Seriktestik paıdasyna sheshti.