QAZAQSTANDYQ MAZMUN – EL MÚDDESI

Keshe Premer-Mınıstr Kárim Másimov Atyraý oblysynda boldy Úkimet basshysy aldymen “Atyraý” saýyqtyrý kesheninde ótken “Nur Otan” HDP-nyń “Biz Kóshbasshymen birgemiz” atty forýmyna jáne mektep túlekteriniń “Aqjelken-2010” sharasyna qatysty. UBT qorytyndysy boıynsha júz balldan joǵary jınap, mektepti úzdik bitirgen túlektermen kezdesti. Bıyl atyraýlyq mektep bi­tirý­shiler arasynan J.Mol­da­ǵa­lıev atyndaǵy daryndy bala­lar­ǵa arnalǵan oblystyq “Daryn” mektep-ınternatynyń túlegi Aı­jamal Erǵalıeva 125 ball jınap, óte joǵary nátıjege qol jet­kiz­gen edi. Oǵan Úkimet basshysy Ká­rim Másimov “Altyn belgi” men attestat tapsyrdy. Bıyl óńirde 74 túlek “Altyn belgi”, 41 oqýshy “Úzdik attestat” ıegeri atandy. Sol túlekter atynan sóz alǵan Jaqsylyq Nurmahanov óz qatarlastarymen birge táýelsiz Qazaqstandy gúldengen jáne bo­lashaǵy zor memleketke aınal­dy­rýǵa atsalysatynyn atap ótti. – Qazir joǵary tehnologııa men damyǵan ınnovasııanyń dáýiri. Bizdiń elimiz de jańa dáýir talabymen órkendep, ekono­mı­ka­sy qarqyn alyp keledi. Elbasy Nursultan Nazarbaev osy oraıda aldymyzda turǵan aıqyn maq­sat­tar men mindetterdi aıqyndap ber­di, – dedi Kárim Qajym­qan­uly atyraýlyq túlekterdi mektep bitirý qýanyshymen quttyqtap. – Bizdiń elimiz álemdik deńgeıdegi bilim sapasyn jetildirýdi birinshi orynǵa qoıyp otyr. Elimiz ın­dýstrııalyq-ınnovasııalyq damý jolyna tústi. Osy baǵdarlama aıasynda Atyraýda 4 iri kásiporyn iske qosylmaq. Bul – jańa ju­mys orny, jas mamandarǵa sura­nys. Daǵdarystan keıingi damýǵa bet alǵan elimiz úshin basty qundylyq – básekege qabiletti ult. Bárimiz barlyq maqsatty jumystardy Elbasy Nursultan Nazarbaevpen, “Nur Otan” partııasymen birge iske asyramyz. Budan keıin Kárim Másimov 2005 jyly qurylǵan “Kaspıan teh­nıkal resýrses” oqý ortaly­ǵy­nyń jumysymen tanysty. Oqý ortalyǵynyń qyzmeti –munaı-gaz sektorynda jumys jasaý úshin kadrlardy qaıta daıyndyqtan ótkizý. Qazaqstandaǵy jalǵyz mamandandyrylǵan ortalyqtyń jalpy aýmaǵy –540 sharshy metr, 10 angary bar. Oqytý 14 maman­dyq boıynsha júrgiziledi. Úkimet basshysy oqý ortalyǵynan ar­naıy kýrs bitirýshilerge “Jol kar­tasy” memlekettik baǵdar­la­ma­sy aıasynda tehnıkalyq maman­dyq­tardyń sertıfıkattaryn tabys etti. Premer-Mınıstr Kaspıı teńiziniń qazaqstandyq bóligin ıgerýge túrli qyzmet kórsetetin ózen portynda da boldy. О́zen porty 1964 jyly qurylǵan bola­tyn. 2008 jyly “Isker” konsorsıýmyna basqarýǵa berildi. Qazirgi ýaqytta port aýmaǵynda qazaqstandyq “Isker” jáne ıta­lııalyq “Skema” kompanııalary­men birlese “Qashaǵan” kenishi úshin 12 modýldi ǵımaratty daı­yn­­daý, qurastyrý, tasymaldaý jó­nin­de birlesken joba iske asy­rylýda. Oǵan tapsyrys be­rýshi – Adjıp QKO kompanııasy. Nysan­da jumys jasaýǵa tartyl­ǵan 1000 adamnyń 964-i jergilikti mamandar. О́ńirdegi balyq ónerkásibiniń kóshbasshysy sanalǵan “Atyraý­ba­lyqty” memleket ıeligine qaı­tarý úderisi aıaqtalyp keledi. Osy kásiporyn negizinde endi “Jaıyq Balyq” kásipornyn qurý jospa­ry bar. Premer-Mınıstr balyq óńdeý kásipornyn damytýǵa qol­daý bolatynyn aıta kelip, Jaı­yq ózeniniń arnasyn qalpyna keltirý Reseı arqyly sheshiletin másele. Reseı Úkimetiniń bas­shy­symen kezdesýde bul máseleni kóte­retin bolamyn. Ekinshiden, balyq pen qara ýyldyryqty tasy­maldaýda kontrabanda baryn bilemiz. Ásirese, buǵan quqyq qorǵaý organdary tarapynan qaty­sy barlar bolsa, olar endi qatań jazalanady. Bul máseleni baqylaýǵa alyp, kontrabandany joıamyz, – dedi. Oblysqa jumys sapary bary­synda Kárim Másimov “Almagúl” shaǵyn aýdanynda medısına qyz­metkerleri men muǵalimderge jańa páterdiń kiltin tabys etti. Jańa baspanaǵa qol jetkizgenderdiń biri Jumajan Eleýsizova “Búgingi qýa­nyshymda shek joq. Bıýdjet qyz­met­kerlerine, turmysy tómen ot­ba­sylaryna áleýmettik qoldaý kór­se­tip otyrǵan Elbasyna rah­met” dedi qýanyshyn jasyra almaı. Munaıly Atyraýda salynyp jatqan iri nysannyń biri – Ad­jıp QKO kompanııasynyń munaı jáne gazdy keshendi daıyndaıtyn “Bolashaq” qondyrǵysy. Úkimet bas­shysy keshendi aralap, munaı men gaz daıyndaý qondyrǵy­lary­men tanysty. Bul qondyrǵy mu­naı men gazdy halyqaralyq ry­nok­qa shyǵaratyn munaı qubyr­la­rymen tasymaldaý úshin daıyn­daýǵa múmkindik beredi. “Bolashaq” zaýytynyń qury­ly­symen tanysqan soń Kárim Má­simov kelisim mindettemelerin saqtaý, ınfraqurylym jobala­ryn júzege asyrý, Adjıp QKO, NKOK, “Teńizshevroıl” kompa­nııa­larynyń ekologııalyq qaýip­sizdikti qamtamasyz etýge qatysy týraly máselelerdi talqylaǵan ke­ńes ótkizdi. Onda Atyraý obly­synyń ákimi Bergeı Rysqalıev birinshi kezekte aımaqtyń ekolo­gııa­lyq jaǵdaıyna baılanysty neǵurlym ótkir máselelerdi ata­dy. О́kinishke qaraı, kóptegen munaı kompanııalary tabıǵat qorǵaý sharalaryn iske asyrýda ózderiniń tikeleı mindetterin oryndaýǵa tolyq qulyqty emes. Sondaı-aq, oblys ákiminiń atap ótkenindeı, sheteldik kompa­nııa­lar tarapynan áleýmettik ınfra­qurylym jobalaryn júzege asyrýda da eleýli problemalar kezdesedi. Premer-Mınıstr Kárim Másimov sheteldik kompanııalar basshylaryna qazaqstandyq maz­mundy arttyrý mańyzyn eskerte otyryp, “Biz qazaqstandyq múd­deni bárinen joǵary qoıamyz. Biz qazaqstandyq jumysshy múddesin qorǵaımyz. Qazaqstandyq jumys­shylar sheteldiktermen birdeı jalaqy alýy tıis. Bul únemi ba­qylaýda bo­lady” dedi. Osyǵan oraı habar­lama jasaǵan NKOK konsor­sıýmy­nyń atqarýshy dırektory Per Offan bıylǵy 6 aıda 600 qazaqstandyq turaqty jumysqa tartylǵanyn, soǵan oraı 50 shet­eldik qyzmetten qysqartylǵanyn jetkizdi. Al “Teńizshevroıl” bas­shysy Todd Levı sońǵy 4 jylda eńbekaqy 70 paıyzǵa kóterilip, endi eńbekaqy tóleý júıesi batys elderiniń ádisine negizdeletinin málim etti. Premer-Mınıstr jumys sapary barysynda Atyraý jylý-elektr ortalyǵyn jańǵyrtý, turǵyn úı qurylysyna arnalǵan jeńil panel shyǵarý zaýytynyń, sonymen birge, medısınalyq bir rettik shprıs shyǵarý zaýytynyń jumysymen, Saraıshyq tarıhı-memorıaldyq tarıhı keshenine qarasty arheologııalyq qazba or­nymen tanysty. Indýstrııalyq-ınnovasııalyq baǵdarlamanyń iske asyrylýyna oń baǵa berdi. Joldasbek ShО́PEǴUL.