Astanadaǵy Sáken Seıfýllın mýzeıinde daýylpaz aqynnyń jazý másheńkesi saqtalǵan. Bul baǵaly jádigerdi sol jyldardaǵy el úkimeti qaıratkerlik pen qalamgerlikti teń ustaǵan aıtýly tulǵanyń shyǵarmashylyǵyna 20 jyl tolýyna oraı syıǵa tartqan.
Bul – Nıý-Iork qalasyndaǵy tarıhı «Ýndervýd» fırmasynyń standartty portatıvti baspa másheńkesi. Bul quralda zaýyttyń ataýy, shyǵarylǵan kúni anyq jazylǵan. Joǵary jaǵyna syzǵysh bekitilip, pernetaqtasynda áripter, sandar jáne tynys belgileri kórsetilgen. Bul dúnıe Sáken atamyzǵa tikeleı tıesili.
Aqyn osy jazý másheńkesimen talaı shyǵarmasyn jazǵan. Qaıratker ustalyp ketkennen keıin ony jaqyn aǵasy úıinde uzaq jyldar boıy saqtap kelgen. 1988 jyly Aqmola qalasynan ardaqty aqynnyń murajaıy ashylǵanda soǵan tapsyrǵan. Qazir kórnekti tulǵanyń qolynyń taby qalǵan bul jazý másheńkesi Sáken Seıfýllın mýzeıiniń qundy eksponaty sanalady.