Elimizge resmı saparmen kelgen Germanııanyń Federaldyq kansleri Olaf Shols Astana qalasyndaǵy Maqsut Narikbayev University stýdentterimen kezdesti. Kezdesýde kansler stýdentterdiń túrli baǵyttaǵy suraqtaryna jaýap berip, erkin formatta áńgimelesti.
Bul kezdesýdiń maqsaty – Germanııa memleketimen yntymaqtastyqty damytý, kásibı tájirıbe almasý. Is-sharaǵa ýnıversıtet ishindegi tórt mekteptiń stýdenteri qatysty.
Alǵash bolyp sóz sóılegen Maqsut Narikbayev University-diń basqarma tóraǵasy Talǵat Nárikbaev Olaf Shols myrzaǵa kezdesýge kelgeni úshin alǵysyn bildirip, bul oqıǵa ýnıversıtet stýdentteri úshin, jalpy osynda oqyp jatqan bolashaq zańgerler úshin úlken qýanysh ári bilim alý jolyndaǵy qulshynystaryna serpin beretinin atap ótti.
– Dál osyndaı aıtýly is-sharalar eki eldiń arasyndaǵy túrli saladaǵy berik baılanystardy odan ári nyǵaıtyp, stýdentterdiń bilimin jetildirýine mańyzdy múmkindik beredi jáne úlken úlesin qosady dep esepteımin. Búgingi suraq-jaýap formatyndaǵy júzdesý bizdiń stýdentterdiń álemdegi túrli jaǵdaılarǵa qatysty synı jáne jahandyq kózqaras turǵysynan oı qorytýǵa jeteleıtinine senimdimin, – dedi T.Nárikbaev.
Kezdesýge moderatorlyq etken ýnıversıtet basqarma tóraǵasynyń orynbasary Aınur Kárbozova basqosýdyń maqsatyna toqtalyp, oqý orny jáne kezdesýge qatysyp otyrǵan stýdentter týraly aıtyp ótti.
Halyqaralyq qatynastar mamandyǵynyń stýdentteri Ánel Saparǵalıeva men Egor Dıachenko Germanııa Federaldyq kanslerine alǵysyn bildirip, óziniń osy mamandyqty ıgerý barysynda Germanııamen ortaq túrli salalardaǵy jobalarǵa qatysyp, ásirese kólik jáne logıstıkalyq yntymaqtastyqty nyǵaıtýǵa úlken úlesin qosyp júrgenin jetkizdi.
Al óz kezeginde Olaf Shols kólik-logıstıka, munaı-gaz, aýyl sharýashylyǵy salalary men ekologııa máseleleri eki el úshin mańyzdy baǵyttar ekenin atap ótti. Sondaı-aq ol kez kelgen salada oń nátıje ákeletin baǵyttardy qarastyryp, tıimdi usynystarǵa daıyn ekenine toqtaldy jáne eki tarap ta bir-birinen alar tájirıbesi kóp ekenin alǵa tartty.
Shyryn esimdi stýdent 80 jyldyq tarıhy bar «Volkswagen» kompanııasynyń qazirgi aıaqalysyna qyzyǵýshylyq bildirip, ataqty avtokonsernniń el ekonomıkasy men kólik ındýstrııasyna tıgizip jatqan paıdasy týraly surady.
– Árıne, kez kelgen kompanııanyń ýaqyt aǵynymen jańa jobalarǵa bet buratyny sııaqty, «Volkswagen» de óziniń tyń bastamalaryn usynyp keledi. Jańa kólik túrlerin qamtıtyn jobalary sátti júzege asyrylyp jatyr. О́nimderi álemge keńinen tarap otyr. Iаǵnı bul kompanııasynyń bizdiń eldi ǵana emes, jahandyq naryqty kólikpen qamtamasyz etip otyrǵany sózsiz. Keıingi jyldary elektr qozǵaltqyshty kólik óndirisine bet burdy. Bul álemdik suranys, qozǵalys bolǵandyqtan biz buny qabyldaýymyz kerek, – dedi O.Shols.
Sondaı-aq stýdentterdiń geosaıası ahýal, Eýropalyq odaq, halyqaralyq quqyq, ultaralyq qatynastar máselelerine qatysty suraqtaryna keńinen jaýap berip, burynǵy zańger retinde stýdentterge barynsha durys baǵyt berýge tyrysty.
– Germanııa BUU-dan bastap, kóptegen bedeldi halyqaralyq uıymǵa múshe jáne belsendi qatysyp otyrady. Jalpy, qarym-qatynas máselesinde ulttar bir-birinen qoryqpaýy kerek. Bul azamattyq qoǵam úshin óte mańyzdy. Osy jerde memleket basshylary kez kelgen máseleni keńinen qaraýy kerek. Shıelenistiń tereńdeı túsýine keri áserin tıgezetin jaıttarǵa muqııat bolý kerek, – degen kansler Ýkraına men Reseı arasyndaǵy kúrdeli jaǵdaıǵa qatysty oıyn bólisti.
Jalpy, stýdentter bilim, eki el arasyndaǵy ortaq múddeler, sý resýrstaryn tıimdi paıdalaný, álemdik kelisim men beıbitshilik taqyryptaryn qaýzap, ózderin tolǵandyrǵan suraqtaryna jaýap aldy.
Kezdesý sońynda ýnıversıt basshylyǵy Olaf Sholske qazaqtyń ulttyq brend aspaby sanalatyn dombyrany tartý etip, stýdenttermen bolǵan emen-jarqyn áńgimelesýi úshin ystyq yqylasyn bildirdi.