QARÝSYZDANÝ SALASYNDAǴY YQPALDASTYQ

Keshe Syrtqy ister mınıstrliginde atalǵan vedomstvonyń resmı ókili Asqar Abdrahmanovtyń qatysýymen dástúrli brıfıng ótti. Resmı ókil óz sózinde 23 jáne 24 maýsymda Eýropadaǵy qaýipsizdik jáne yntymaqtastyq uıymynyń Is basyndaǵy tóraǵasy, Qazaqstannyń Memlekettik hatshysy – Syrtqy ister mınıstri Qanat Saýdabaevtyń Túrkimenstanǵa resmı saparmen baratynyn habarlady. Bul sapar barysynda Q.Saýda­baev­tyń Túrki­men­stan Prezıdenti Gýrbangýly Ber­dymuhammedovpen, Mınıstr­ler kabıneti Tóraǵa­sy­nyń oryn­basary – Syrtqy ister mı­nıstri Rashıd Meredovpen, Med­jlıs­tiń Tóraıymy Akdja Nýr­berdyevamen kezdesýleri kóz­del­gen kórinedi. Bul kezdesýler barysynda taraptar Túrkimenstan men Eýropa­daǵy qaýipsizdik jáne yn­tymaq­tas­tyq uıymy arasyn­da­ǵy árekettestik pen qazaq-túrkimen ekijaqty qarym-qatynastarynyń ózekti máseleleri jóninde pikir almasady eken. Sondaı-aq, Q.Saý­dabaev ózi basshy­lyq etetin ha­lyqaralyq Uıym­nyń Ashǵabadtaǵy ortaly­ǵy­nyń jumy­symen tany­sady dep kútilýde. Túrkimenstanǵa sapardyń ekin­shi kúninde, dep jalǵady sózin res­mı ókil,  Eýropadaǵy qaýipsizdik jáne yntymaqtastyq uıymynyń Is basyndaǵy tóraǵasy Ortalyq Azııa jáne Kaspıı teńizi aımaǵyn­da qarýsyzdaný máseleleri jó­nin­degi halyqaralyq konferensııa­nyń ashylýynda sóz sóıleıdi. Sondaı-aq, Kaspıı aımaǵyndaǵy bar­lyq memleketterdiń  syrtqy saıası mekemeleri basshylary qa­ty­satyn konferensııanyń “Orta­lyq Azııa men Kaspıı teńizi aımaǵyndaǵy qarýsyzdaný salasyndaǵy ahýalǵa sholý jáne taldaý jasaý” dep atalatyn birinshi plenarlyq jınalysynda baıandama jasaıdy. Láıla EDILQYZY.