Qazaqstan-Reseı shekarasyndaǵy «Syrym» ótkizý beketinde Qazaqstan men Qyrǵyzstannan kelgen júk kólikteriniń júrgizýshileri arasynda jappaı tóbeles boldy, dep habarlaıdy Egemen.kz.
«Moı gorod» basylymynyń málimetinshe, 1 qazanǵa qaraǵan túni júrgizýshiler ótkizý pýnktinde janjal shyǵarǵan. Qaqtyǵysqa keıbir júrgizýshilerdiń shekaradan ótý kezinde kezekti saqtamaýy sebep bolǵan. Bul aqparatty BQO polısııa departamentiniń baspasóz qyzmeti rastady.
- 30 qyrkúıekte Samara-Shymkent tasjolynda kezek saqtalmaýyna baılanysty júk kólikteriniń júrgizýshileri arasynda bolǵan janjalǵa qatysty tergeý bastaldy, - delingen oblystyq PD málimdemesinde.
Qazir is «Buzaqylyq» baby boıynsha qaralyp jatyr.