Uıymshyldyqpen ótken kún

– Respýblıkalyq referen­dým­ǵa tyńǵylyqty daıyndyqpen keldik. Oblysta 681 saılaý komıssııasy bolsa, referendýmda sonyń 510-y, ıaǵnı quramynda 3 220 múshesi bar 14 aýmaqtyq referendým komıssııasy jáne 496 ýchaskelik referendým komıssııasy jumys istedi. Komıssııa músheleri aldyn ala tolyq oqytyldy. Olardyń 74,8 paıyzy buryn da saılaý ótkizgen, tájirıbeli mamandar, – deıdi Batys Qazaqstan oblystyq aýmaqtyq referendým komıssııasynyń tóraǵasy Ádil Jolamanov.

Oblys boıynsha daýys berý Oral qalasynda orna­las­qan Ult­tyq ulannyń 5517 ás­kerı b­óli­min­de bastaldy. Ulan sarbazdary ertemen ja­ýyn­­gerlik qyzmetke attanatyn bol­­ǵandyqtan, №479 daýys be­rý ýchaskesi tańǵy saǵat 06.00-de ashyldy. Daýys berý ornyna alǵashqylardyń biri bolyp Ulttyq ulan «Batys» óńir­­lik qolbasshy general-maıor Bekaıdar Qazkeev pen 5517 ás­kerı bólim komandıri podpolkov­nık О́mirjan Sahatov kelip daýys berdi.

Al Batys Qazaqstan obly­sy­nyń ákimi Narıman Tóreǵalıev Oraldaǵy Aqparattyq tehnologııalar kolledjindegi ýchaskede tańdaýyn jasady.

«Men de daýys berý ýchaskesine kelip, azamattyq boryshymdy ótedim. Elimizdiń ár turǵyny daýys berý ýchaskelerine ke­lip, tańdaýyn jasaı alady. Oblys turǵyndary ózderiniń azamat­tyq pozısııasyn belsendi kór­se­tedi degen senimdemin», dedi N.Tóreǵalıev.

Málimetterge qaraǵanda, ob­lys boıynsha ádettegideı aýyl turǵyndary belsendilik ta­nytqan. Mysaly, Shyńǵyrlaý aýda­nyna qarasty Aqsýat aýy­lynda tu­ratyn kámelet ja­syn­­daǵy 90 adam bir saǵat ishin­de daýys be­rý­di aıaqtaǵan. Aýyl bolyp 100 paıyz daýys bergender qatarynda Qaztalov aýdanyndaǵy Orazǵalı aýyly, Jánibek aýdanyndaǵy Maıtúbek aýyldary da bar.

О́ńir boıynsha eń qarııa saılaýshy da Shyńǵyrlaýda eken. 104 jastaǵy Nursulý Toqjanovanyń úıine №424 referendým komıs­sııa­synyń músheleri jyljymaly jáshikti jetkizip, daýys berýine múmkindik jasaǵan.

Jal­py, oblys boıynsha refe­rendým óte uıymshyldyqpen ótti. Daýys beretin jerge ulttyq kıimmen kelgen báıterektik kelinder toby, Mıchýrın aýy­lyndaǵy baıkerler, refe­rendýmǵa 100 paıyz qatysqan terek­tilik bilim salasy ókilderi kózge tústi.

Batys Qazaqstan oblysy