Shymkentte lombardty tonaýdyń aldyn alǵan jas jigitter marapattaldy, dep habarlaıdy Egemen.kz.
Polıseılerdiń habarlaýynsha, Rysqulov kóshesindegi lombardtardyń birinde betperde kıgen belgisiz bireý jumysshylardy tapanshaǵa uqsas zatpen qorqytyp, 100 myń teńge talap etken. Dál sol ýaqytta lombardta bolǵan 18 jastaǵy jasóspirimder basqynshynyń oılaǵanyn júzege asyrýǵa kedergi jasaǵan. Olar saqshylar kelgenshe qylmyskerdi ustap otyrǵan.
Turan aýdandyq polısııa qyzmetkerleri uryny qolǵa túsirgen.
«Aýdandyq ishki ister bóliminiń bastyǵy Nurjan Tileýov jasóspirimderdi erlikteri úshin alǵys hatpen marapattady», delingen habarlamada.