Úkimet Aqtaý qalasynyń magıstraldy jylý jelilerin rekonstrýksııalaýǵa qarajat bóldi. Tıisti qaýlyǵa Premer-mınıstr Oljas Bektenov qol qoıdy.
Qujat Aqtaý qalasynyń magıstraldy jylý jelilerin rekonstrýksııalaý jobasyn iske asyrý úshin 5 mlrd teńgeni Mańǵystaý oblysynyń bıýdjetine maqsatty transfertter túrinde aýdarýdy qarastyrady.
Atap aıtqanda, bul qarajat jergilikti bıýdjetten birlesip qarjylandyrýdy eskere otyryp, jumystyń jalpy qunynyń 10% mólsherinde uzyndyǵy 11,5 shaqyrym eń tozyǵy jetken avtojol ýchaskesin rekonstrýksııalaýǵa baǵyttalady.
Buǵan deıin merdiger uıym qarajaty esebinen shamamen 11,5 shaqyrym jylý jelisi tartylǵan. Jalpy, 2024-2026 jyldary aralyǵynda tozý deńgeıi 75%-dan asatyn 44 shaqyrym magıstraldy jylý qubyryn kezeń-kezeńimen aýystyrý qajet. Aqtaý qalasy jylý jelileriniń negizgi bóligi – 1962 jyldan beri qoldanysta.
Qabyldanǵan sharalar nátıjesinde jelilerdiń tozý deńgeıi tómendetilip, turǵyndarǵa sapaly kommýnaldyq qyzmetter kórsetý men jylytý maýsymynyń úzdiksiz ótýin qamtamasyz etýge múmkindik beredi.