Ulttyq bank nomınaly 10 000 teńgelik banknotalardyń aınalymda qatar júrý merzimin 2027 jylǵy maýsymǵa deıin uzartty. Bul sheshim qarjygerler qaýymdastyǵynyń usynysyn eskere otyryp qabyldanǵan, dep jazady Egemen.kz.
Eski úlgidegi banknotalardy esep aıyrysý kezinde qosymsha 1 jyl boıy paıdalaný múmkindigi qarastyrylǵanymen qatar, olardy jańa úlgidegi banknotalarǵa kezeń-kezeńmen aýystyrý jumysy da jalǵasady. Ulttyq bank «Saq stıli» serııasymen shyǵarylǵan jańa banknotalardy shyǵarý prosesin kezeń-kezeńimen júzege asyra otyryp, aınalymda qatar júrý mehanızmin saqtaıdy.
Ulttyq bank 10 myń teńgelik eski banknottardy paıdalaný merzimin uzartty
Atalǵan kezeń aıaqtalǵan soń barlyq bankter men «Qazposhta» AQ eski úlgidegi banknotalardy jańa úlgidegi banknotalarǵa 3 jyl boıy aıyrbastaýdy jalǵastyrady, al Ulttyq Banktiń fılıaldary olardy merzimsiz aıyrbastaıdy.
Sıfrlyq teńge: Qarjy júıesindegi tyń nusqa
Jańa jáne eski úlgidegi banknotalar aınalymda qatar júrgen kezde zańdy tólem quraly bolyp qala beredi. Olar Qazaqstannyń búkil aýmaǵynda óziniń nomınaldy qunyna sáıkes barlyq tólemderde, aýdarymdarda jáne bank shottaryna qarajat aýdarý turǵysynda qabyldanady.
Ulttyq bank eskertedi: Tólem kartasyn buǵattaý arqyly jasalatyn alaıaqtyq kóbeıdi