AQSh Qarýly kúshteri Ortalyq qolbasshylyǵynyń ókili Tım Hokıns AQSh-tyń Irandaǵy Ormuz buǵazy mańyndaǵy nysandarǵa soqqy jasaǵanyn málimdedi, dep habarlaıdy Egemen.kz.
NBC News málimetinshe, Tım Hokıns bul shabýyldardyń «qorǵanys maqsatynda» jasalǵanyn jáne «zymyran ushyrý qondyrǵylary men mına ornatýǵa árekettengen ırandyq katerlerge» baǵyttalǵanyn naqtylady.
AQSh pen Iran ymyraǵa kelmeı otyr
Onyń aıtýynsha, soqqylar Irannyń ońtústigindegi Ormuz buǵazy mańynda ornalasqan Bender-Abbas aýdanyna jasalǵan. Sonymen qatar, telearna málimetinshe, 8 sáýirden bastap kúshine engen AQSh pen Iran arasyndaǵy ýaqytsha atysty toqtatý rejıminde qandaı da bir ózgerister týraly habarlanbaǵan.
«AQSh Qarýly kúshteriniń Ortalyq qolbasshylyǵy jalǵasyp jatqan bitim rejımi jaǵdaıynda ustamdylyq tanyta otyryp, bizdiń kúshterimizdi qorǵaýdy jalǵastyryp jatyr», dedi T. Hokıns.
Al ırandyq BAQ Bender-Abbas pen buǵaz jaǵalaýyndaǵy aýdandarda jarylystar bolǵanyn habarlady. Reuters agenttiginde qaladaǵy jaǵdaı baqylaýda ekenin jáne alańdaýǵa negiz joq ekeni habarlandy.
AQSh-ta áýe shoýy kezinde eki áskerı ushaq soqtyǵysty