24 naýryzda aýyr jaǵdaıda jatqan eki Qazaqstan azamaty Túrkııadan arnaıy medısınalyq reıspen elge aman-esen jetkizildi. Bul týraly Densaýlyq saqtaý mınıstri Aqmaral Álnazarova áleýmettik jelidegi paraqshasynda habarlady, dep jazady Egemen.kz.
Naýqastardy tasymaldaý Ulttyq shuǵyl medısınany úılestirý ortalyǵynyń medısınalyq avıasııasy arqyly júzege asty. Bir reıspen jetkizilgen pasıentterdiń jaǵdaıy kúrdeli bolǵan.
Atap aıtqanda, 1966 jyly týǵan er adamǵa tynys alý jetkiliksizdigi jáne ótkir ókpe isigi dıagnozy qoıylǵan, ol Alanııa qalasynan jetkizildi. Al 2019 jyly týǵan balada mı qaterli isigi anyqtalǵan, ol Stambýl qalasynan elge ákelindi.
Qutqarýshylar aýyr naýqasty aýrýhanaǵa jetkizdi
Mınıstrdiń málimetinshe, tasymaldaý barysynda medısınalyq avıasııanyń mobıldik brıgadasy joǵary kásibılik tanytty. Quramynda dárigerler Baımyshev Dáýren men Ismaǵulova Raıhan, sondaı-aq feldsherler Toqtybaev Asylbek pen Qundaqbaev Erýlan bolǵan top naýqastardyń jaǵdaıyn turaqty baqylaýda ustap, qaýipsiz jetkizýdi qamtamasyz etti.
Sonymen qatar áýe kemesi ekıpajynyń úılesimdi jumysy da operasııanyń sátti ótýine yqpal etti. Nátıjesinde eki naýqas Qazaqstanǵa der kezinde jetkizilip, ári qaraı em qabyldaýǵa múmkindik aldy.
Sanavıasııa Taılandta komadan oıanǵan qazaqstandyqty elge alyp kelýden bas tartty