25 qazan kúni elimizde Ulttyq mereke – Respýblıka kúni atap ótiledi. Osy aıtýly kúnniń qurmetine Astanada 100-den astam mádenı-buqaralyq, bilim berý, sporttyq jáne áleýmettik is-shara ótkiziledi. Olardyń arasynda merekelik konsertter, avtosherýler, kórmeler, balalarǵa arnalǵan kórnekti nysandar boıynsha ekskýrsııalar, dóńgelek ústelder, ulttyq sport túrleri boıynsha týrnırler jáne basqa da kóptegen is-sharalar bar, dep habarlaıdy Egemen.kz elorda ákimdiginiń resmı saıtyna silteme jasap.
Is-sharalar ortalyq alańdarda, iri nysandarda, turǵyn alaptarda, bilim berý uıymdarynda ótedi. Sondaı-aq Respýblıka kúni qarsańynda halyqtyń áleýmettik osal toptaryna 1 myńnan astam azyq-túlik sebetteri taratylatyn bolady.Mereke aıasynda elordada jáne árbir aýdanda túrli salanyń eńbek sińirgen qyzmetkerleri, eńbek ardagerleri, belsendi azamattary marapattalady.Bul kúnderi bilim berý uıymdarynda dóńgelek ústelder, pikirtalas týrnırleri, kórmeler, tanymal tulǵalarmen kezdesýler, konferensııalar, shyǵarmashylyq konkýrstar, esseler men oqyrmandar konkýrstary ótkiziledi.21 qazan kúni saǵat 10:00-de Esil aýdanynyń uıymdary «Aspan» SK voleıboldan jarysqa túsedi.23 qazan kúni «Jastar» saraıynda saǵat 19:00-de Respýblıka kúnine arnalǵan «Jiger» estradalyq-djaz ansamblini «Atamekenim» atty merekelik konsertin qoıady.
Sol kúni Saryarqa aýdanynda Iýbıleınaıa kóshesi, 22 jáne Jeńis dańǵyly, 34 boıynsha burynǵy bos orynda jańa qoǵamdyq keńistik ashylady. Sondaı-aq, Qosshyǵululy kóshesi, 17 jáne 19 aýlalarynyń abattandyrylýyna arnalǵan mereke ótedi.
25 qazanda saǵat 15.00-den 16.30-ǵa deıin ortalyq alańda jáne elorda saıabaǵynda qazaq estradasynyń juldyzdary men bı ansamblderiniń qatysýymen merekelik konserttik baǵdarlamalar ótedi. Is-shara barysynda «gir kóterý», «asyq atý», «qol kúres» jáne t.b ulttyq oıyndar da ótkiziledi.
Sonymen qatar Qoshqarbaev, 29/1 mekenjaıy boıynsha Belsendi uzaq ómir súrý ortalyǵynda qarttar arasynda doıbydan jarys ótpekshi.