Eki petropavldyq jáne Qyzyljar aýdanynyń bir turǵyny zańsyz shaıan aýlady degen kúdikke ilindi, dep habarlaıdy Egemen.kz.
Artemia salina shaıanyn zańsyz aýlaǵan 3 adamnan quralǵan top Soltústik Qazaqstan oblysy polıseıleriniń nazaryna túsken.
«Olar uıymdasqan qylmysqa qarsy is-qımyl basqarmasynyń 6637 áskerı bóliminiń qyzmetshileri jáne oblystyq prokýratýranyń úılestirýimen ózara is-qımyl jasaý kezinde ustaldy. Kúdiktiler Mamlıýt aýdany aýmaǵyndaǵy Meńkeser tuzdy kólinde zańsyz óndirgen», delingen habarlamada.
Polizia.kz-tiń jazýynsha polıseıler jalpy salmaǵy 460 keli bolatyn shaıan jumyrtqalaryn tárkilegen. Memleketke keltirilgen zııan – 3 mıllıon 712 myń teńge.