Prezıdent Qasym-Jomart Toqaev Fransııa elshisi Sılvan Gıogeni jańa qyzmetimen quttyqtap, onyń dıplomatııalyq mıssııasy ekijaqty qatynastardyń óte belsendi damý kezeńimen tuspa-tus kelip otyrǵanyn atap ótti, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysy Qazaqstannyń Fransııamen aradaǵy yntymaqtastyqty jan-jaqty tereńdetýge nıetti ekenin jetkizip, elshi Sılvan Gıogeniń jaýapty qyzmetine tabys tiledi.
Kezdesýde Qazaqstan Prezıdenti Qasym-Jomart Toqaevtyń aldaǵy ýaqytta Fransııa Respýblıkasyna jasaıtyn memlekettik saparynyń jaı-japsary talqylandy.
Prezıdent atalǵan sapar Astana men Parıj arasyndaǵy baılanystardyń keleshegin aıqyndap, qazaq-fransýz strategııalyq seriktestiginiń nyǵaıýyna tyń serpin beretinine senim bildirdi.