24-29 qazan kúnderi Túrkııanyń Belek qalasynda «Belek International Youth Cup 2024» halyqaralyq týrnıri ótti. Dodaǵa Túrkııa, О́zbekstan jáne elimizden barǵan birneshe komanda qatysty.
Týrnırge Astananyń «Alash» komandasy 2013-2014 jáne 2015-2016 jyly týǵan balalardy alyp bardy. Jarys erejesine sáıkes komandalar «A» jáne «V» toby bolyp ekige bólindi. Ár toptaǵy 6 komanda bir-birimen jasyl alańda ózara kezdesip, 4 myqtyny anyqtady. Nátıjesinde «Alash»-tyń eki birdeı komandasy jartylaı fınalǵa shyqty.
Fınalǵa beriler joldama úshin «Alash»-tyń 2015 jylǵy balalary Astananyń BJMORSM-8 komandasyna penaltı serııasy arqyly (negizgi ýaqyt 1:1) ese jiberdi. Al 3-oryn úshin ótken matchta «Rukh» komandasynan 3:1 esebimen basym boldy. 1-oryndy BJMORSM-8 komandasy ıelense, 2-orynnan Túrkııanyń «Manavgat Akademi» jasóspirimderi kórindi.
Alash-tyń 2013-2014 jylǵy balalary ózderinen bir-eki jas úlken balalarmen terezesi teń óner kórsetti. Jarys qorytyndysy boıynsha fınalda Túrkııanyń «Altin Shoshuk» komandasyn 2:0 esebimen jeńgen alashtyqtar Anadoly elinde top jardy. Úzdik úshtikti О́zbekstannyń «Oxbridge» fýtbolshylary qorytyndylady.