Talǵardaǵy «Hýtor» uıymdasqan qylmystyq tobynyń jetekshisi retinde tanylǵan Hasan Qasymbaev ustalyp, ýaqytsha ustaý ızolıatoryna qamaldy. Aqparatty oblystyq Polısııa departamenti rastady, dep habarlaıdy Egemen.kz.
Polısııa departamenti usynǵan aqparatqa sáıkes, Hasan Qasymbaev azamat A.-ny urlaýmen jáne densaýlyǵyna aýyr zııan keltirýmen baılanysty qylmystarǵa qatysy bar degen kúdikpen ustaldy, sot oǵan eki aıǵa qamaýǵa alý túrindegi bultartpaý sharasyn taǵaıyndaǵan.
Aıta keteıik, 2021 jyldyń maýsym aıynda osy qylmystyń taǵy bes qatysýshysy sottalyp, qazir túrmede jazasyn ótep jatyr.