Úkimet basshysy Oljas Bektenov «China International Import Expo – VII Qytaı halyqaralyq ımport kórmesiniń ashylý saltanatyna qatysty. Jyl saıynǵy kópsalaly is-sharanyń maqsaty – halyqaralyq deńgeıde ekonomıkalyq ıntegrasııany nyǵaıtý. Kórmege qatysý sheteldik áriptestermen saýda-ekonomıkalyq baılanystardy keńeıtýge jáne ulttyq ónimdi halyqaralyq naryqqa shyǵarýǵa jańa múmkindikter týǵyzady.
Halyqaralyq kórmeniń saltanatty ashylý rásimine Qytaı Halyq Respýblıkasy Memlekettik keńsesi Premeri Lı Sıan, Malaızııa Premer-mınıstri Anvar Ibragım, О́zbekstan Premer-mınıstri Abdýlla Arıpov, Mońǵolııa Premer-mınıstri Lývsannamsraın Oıýýn-Erdene, Serbııa Premer-mınıstri Mılosh Výchevıch qatysty.
О́tken jyldyń qorytyndysy boıynsha Qytaıdyń Ortalyq Azııa elderimen taýar aınalymynyń jartysynan astamy Qazaqstanǵa tıesili bolyp otyr. Premer-mınıstr Oljas Bektenov memleketter arasyndaǵy kedergisiz saýda-sattyq, elektrondy kommersııa, kólik pen logıstıkany damytý, ozyq JI tehnologııalaryn engizýde ózara is-qımyldy nyǵaıtýdyń mańyzdylyǵyn atap ótti.
«Jibek joly elektrondy kommersııasy» qanatqaqty aımaǵyn qurýdaǵy yntymaqtastyqty nyǵaıtý keleshegi zor bolyp sanalady. Qazaqstandyq pavılondar «Alibaba» jáne «JD.com» iri saýda platformalarynda tabysty jumys istep tur. «Douyin» alańynda pavılon ashý, elimizde sıfrlyq saýda arnalary arqyly logıstıkany jeńildetý úshin bond qoımalary men keshendi qoıma ınfraqurylymyn salý boıynsha jumys júrgizilip jatyr. Qazaqstan Qytaıdan Eýropaǵa jerústi tasymalynyń 80%-dan astamyn qamtıdy. «Batys Eýropa – Batys Qytaı» halyqaralyq tranzıttik avtodálizi, Lıanıýngan portyndaǵy logıstıkalyq ortalyq, Sıan qurǵaq portyndaǵy júk termınaly, Qytaımen shekaradaǵy úshinshi temirjol ótkizý pýnkti jáne basqa da iri ınfraqurylymdyq jobalar transqurlyqtyq ekonomıkalyq dálizder júıesin jetildirýge, taýar aınalymyn ulǵaıtýǵa jáne eki el halqynyń ál-aýqatyn arttyrýǵa baǵyttalǵan. Qazaqstan sıfrlandyrý salasynda elektrondyq úkimettiń damý ındeksi boıynsha 24-oryn, onlaın qyzmetter boıynsha 10-oryn, sondaı-aq Dúnıejúzilik bank reıtıngine sáıkes memlekettik tehnologııalardyń jetilý ındeksinde 6-oryn alady. Jasandy ıntellektini qoldaný máseleleri boıynsha tájirıbe almasý ekonomıkalyq progrestiń qozǵaýshy kúshi bola alady», dedi Oljas Bektenov.
QHR Memlekettik keńesiniń Premeri Lı Sıan jáne halyqaralyq kórmege qatysýshy elder delegasııalarynyń basshylary sıfrlandyrý taqyrybyna baǵyttalǵan Qazaqstannyń «Jańa dáýir, ortaq bolashaq» ulttyq pavılonynda usynylǵan ónimdermen tanysty. Saýda jáne ıntegrasııa mınıstri Arman Shakqalıev, «Ulttyq aqparattyq tehnologııalar» AQ, «Kazakh Invest», AHQO, «QazTrade», «Kaspi Bank» ókilderi elimizdegi tabysty jobalardy, onyń ishinde elektrondyq jáne qarjylyq qyzmetterdi, transshekaralyq saýdany damytý, ınvestısııalar tartý boıynsha jetistikterin tanystyrdy. Sonymen qatar otandyq ázirleýshilerdiń startaptary kórsetildi.
Qazaqstannyń kommersııalyq pavılonynda bıylǵy jańalyq otandyq ónimdi onlaın satý boldy. 260 sharshy metr alańda otandyq óndirýshilerdiń 50-ge jýyq taýarynyń – et, sút, maı, astyq ónimderi, kondıterlik ónimder, shyryndar men sýsyndar, bal, toqyma jáne basqa da ónimder kórmesi uıymdastyryldy. «TikTok» platformasy arqyly strımıng iske qosyldy, bul stendke kelýshilerge ǵana emes, sonymen qatar búkil álemdegi kórermenderge ónimderdiń assortımentimen tanysýǵa, olardy naqty ýaqyt rejiminde satyp alýǵa múmkindik beredi. Kórmeniń alǵashqy saǵattarynda ǵana onlaın rejimde 22 myń dollarǵa jýyq somaǵa otandyq taýar satyldy. Sondaı-aq pavılon bıyl 2 ese keńeıtildi. Qatysýshylardyń 80%-dan astamy – ShOB ókilderi. Jyl saıyn halyqaralyq kórmege 300 myńnan astam qytaılyq kásibı satyp alýshy qatysady, bul QHR-ǵa eksportty ulǵaıtýǵa jaǵdaı jasaıdy.