20 MYŃǴA KО́BEIEMIZ

Keshe Aqordada Memlekettik hatshy – Syrtqy ister mınıstri Qanat Saý­dabaevtyń tóraǵalyǵymen Qazaqstan Respýblıkasy Prezıdentiniń ja­nyn­daǵy Azamattyq máseleler jónindegi komıssııanyń kezekti májilisi ótti. Komıssııa otyrysynda Elba­sy­nyń atyna bizdiń elimizdiń aza­maty bolýǵa ótinish bergen 20 myń adamnyń qujattary qaral­dy. Tıisti Jarlyqqa Elbasy qol qoı­ǵan­nan keıin Qazaq eliniń azamat­tary atanatyn bul jan­dar­dyń deni qazaq bolǵanymen, alys-ja­qyn shet elderden kelgen basqa ult ókilderi de barshylyq kórinedi. Eger de táýelsizdik alǵan 19 jyldyń ishindegi elimizdiń demo­gra­fııalyq damýyna kóz salsaq, alǵa­shynda Qazaqstannan basqa elderge qonys aýdarýshylar sanynyń basym ekendigin baıqar edik. Birte-birte bul teris saldo ońǵa aýysty. Jyl ótken saıyn elimizdiń azamat­tyǵyn alýǵa qulshynys bildirgen­derdiń sany arta túsýde. Egemendik alǵaly 600 myńnan astam adam Qazaq­stan azamattyǵyn qabyldaǵan jáne onyń eń kóp bóligi sońǵy jyldardyń enshisine tıedi. Májilisti ashqan Qanat Saý­da­baev: “Búgingi otyrystyń elimiz­diń tarıhyndaǵy aıryqsha kún – táýel­­siz Qazaqstan elor­da­synyń kúni qarsańynda ótýi­niń mańyzy erekshe. Astana da­my­ǵan ortalyq bolyp qana qoımaı, sonymen birge, qazirgi zamanǵy zor ýrbanıstik jobalar­dyń biri retinde egemen Qazaq­stannyń úlken áleýetin kór­setýde. Búgin bizdiń azamatty­ǵy­myzdy alýǵa jáne qazaqstandyq bolýǵa ynta bildirip otyrǵan 20 myńnan asa adamnyń ótinishterin qarastyrýymyz da osynyń dáleli bolyp tabylady”, – dedi. Q.Saýdabaev sondaı-aq Qazaq­stannyń azamaty bolýǵa ártúrli elderden talpynýshy adamdar sanynyń ósýi Ult Kóshbasshysy dep tanylǵan Nursultan Nazar­baev­tyń basshylyǵymen táýelsiz­dik alǵan jyldardan beri Qazaq­stannyń áleýmettik-ekonomıka­lyq jáne qoǵamdyq-saıası jetis­tik­­te­ri­niń joǵary dárejede ha­lyqaralyq moıyndalýynyń dáleli ekendigin atap kórsetti. Jáne de mereke qar­sańynda aza­mat­tyq alaıyn dep otyrǵan jan­dar­ǵa baqyt, aman­dyq, je­misti ómir jáne tabys ti­le­di. En­digi mindet – jaýapty mem­­le­ket­tik organdardyń olardyń jańa­dan tapqan otandarynda tezirek beıim­delýin jyldam jáne jaýap­ker­shi­likpen sheshýi qajet, dedi otyrysty qortyndylaı kelip syrty saıasat vedomstvosynyń basshysy. Sonymen, el azamattary taǵy 20 myńǵa ósti. Kóbeımesek kósegemizdiń kógermeıtini anyq qoı. Endeshe, ósip, óne bereıik. Anar TО́LEÝHANQYZY.