Polısııa departamentiniń qyzmetkerleri jyl basynan beri azamattyq qarýy bar 4 600-den asa azamatty teksergen. Azamattyq qarý ıelerin baqylaý boıynsha jedel-profılaktıkalyq jumystar aıasynda, olardyń turǵylyqty jerlerine tekserý júrgizýde 222 quqyq buzý faktisi anyqtaldy.
Bul sharalardy uıymdastyrýda qoǵamdyq qaýipsizdikti qamtamasyz etý, qarýdyń zańsyz aınalymynyń aldyn alý men azamattyq qarýdy paıdalaný zańnamasynyń saqtalýyn qamtamasyz etý maqsaty kózdelip otyr. Atalǵan keshendi sharalar aıasynda qarýdyń saqtalý sharttarynyń buzylýy boıynsha 85 zań buzýshylyq isi tirkeldi. Mamandar qarýdyń jetkiliksiz qorǵalýy nemese zańda kórsetilgen sharttarǵa qarama-qaıshy saqtalǵan qarý-jaraq onyń joǵalýyna nemese zańsyz paıdalanylýyna ákep soqtyrýy múmkin ekenin eskertedi. Sondaı-aq qarýdy tirkeý erejesine sáıkes 137 jaıt anyqtalǵan. Bul zań buzýshylyqtar azamattyq qarýdy tirkeý boıynsha zańnamamen belgilengen prosedýralardyń saqtalmaýyn kórsetedi. Al zańsyz qarý men oq-dárilerdi saqtaý jáne alyp júrý faktisi boıynsha 61 azamat ákimshilik jaýapkershilikke tartylǵanyn Polısııa departamentiniń baspasóz qyzmeti rastap otyr.
Jaýapty organ qyzmetkerleri júrgizetin quqyq buzýshylyqtyń aldyn alýǵa baǵyttalǵan zańsyz qarý aınalymymen kúres jáne azamattardyń qaýipsizdigin qamtamasyz etý boıynsha tekserý jumystary jalǵasyn tabady.
Abaı oblysy