DAǴDARYSTY JEŃGEN LEVINNIŃ KÁSIBI

“Tek ózińniń súıikti isińdi taýyp, ony jaqsy etip jasaýǵa umtylý ke­rek”. Petropavldaǵy ózi attas jıhaz ká­sipornynyń negizin qalaýshy ká­sipker Vladımır Levınniń daǵdarysqa qarsy dárýi mine osyndaı. Vladımır Davydovıch óziniń súıikti isin budan jıyrma jyl buryn, atap aıtqanda, 1989 jyly bastaǵan edi. Ol aldymen jıhaz óndirisinde maman bolyp istedi. Al qazir kásipkerdiń bız­nesi damýdyń jańa serpinine ıe boldy. Qazkommersbankten alǵan nesıe qar­jylandyrýdyń sapaly sekirisin qam­tamasyz etti. Ol “Samuryq-Qazyna”, “Damý” memlekettik qorlarymen ke­li­sim sheńberinde júzege asty. Bul qor­lar óńdeýshi ónerkásip salasynda isteı­tin kásipkerlerdi qarjylandyrýǵa mashyqtanǵan. Kásipkerge otandyq bız­nesti daǵdarysqa qarsy qoldaý maq­sa­tynda bólingen tórtinshi transhtyń sheń­berde 32 mıllıon teńge mólsherinde nesıe berildi. – Vladımır Davydovıchtiń kásiporny bizge jaqsy tanys, – deıdi “Qazkommersbank” AQ Petropavl fılıalynyń dırektory Talǵat Sultanǵazın. – 2007 jyldan bastap jıyntyq­­ty, jumsaq jáne aǵash jıhaz óndirip, satýmen aınalysatyn “Levın” JK Qazkomnyń klıenti bolyp tabylady. Bizge kásipkerdiń iskerlik maqsatkerligi men óz isine degen súıispenshiligi óte unaıdy. Ol árkez alǵa qaraı umtylyp otyrady. О́ziniń jeke úıiniń birinshi qabatyn sheberhana etip jabdyqtaǵan Levın, 1991 jy­ly bes jaldamaly jumysshymen birge jeke ón­dirisinde stanoktarmen aǵashtan alǵashqy buı­­­ymdar jasaýdy bastady. Sodan beri ká­siporyn ósip, órkendedi. Isker jan jekemen­shik dúkender ashty. Qazirgi tańda ózindik tehnologııasy bar básekelestikke qabiletti óndiris orny ekeni barshaǵa aıan. Kásiporyn tolyq tizbekti óndiriske ıe. Ol ónim óndirýden bastap daıyn buıymdardy satýǵa deıin aý­qymdy jumystar atqarady. Mynany atap aıtqym keledi, “Levın” JK Soltústik Qa­zaqstan oblysyndaǵy ónerkásiptik aýqymdaǵy aǵash jıhazdaryn óndiretin jalǵyz óndirýshi. Kásiporynnyń ereksheligi tek derbes tapsy­rys boıynsha jıyntyqty jıhaz jasaýǵa ma­mandanǵanyn atap aıtqan jón. Bul onyń fır­malyq belgisi. Turǵyndar jıhaz jasaý­shy­lardyń buıymdaryn tutynýǵa erekshe qushtar, óıtkeni ónim joǵary sapasymen erekshelenedi. Ázirge tapsyrysshy tarapynan shaǵym túsip kórgen joq. Kásiporyn jıhazdyń san alýan túrin ja­saıdy. Atap aıtqanda turǵyn, keńselik jáne salonǵa arnalǵan tárizdi kóz jaýyn alatyn buıymdar elimizdiń túrli óńirlerinde ótimdi. “Levınniń” ónimi Petropavlda ǵana emes, sondaı-aq Jezqazǵanda, Pavlodarda, Qara­ǵan­dyda, Astanada, Kókshetaýda, Aqtaýda, Stepno­gorda suranysqa ıe. Árıne, nesıe alý kásipkerge úlken qoldaý bolǵandyǵyn banktegiler maqtanyshpen aıta­dy. Qazir nesıelik resýrstarǵa qoljetimdilik qıyndaı túsken. Ony alý úshin aldymen óndiristi órkendetý, sondaı-aq aınalymdaǵy qarjyny barynsha tıimdi jumsaý tárizdi talaptar qoıylǵan. – Berilgen nesıe boıynsha mólsherlemeniń talaby da qatań, biraq onyń jeńildetilgen sharttary da bar, dep sózin odan ári jalǵady “Qaz­kommersbank” AQ Petropavl fılıa­ly­nyń dırektory T.Sultanǵazın myrza. – Máselen, biz negizgi bereshekti óteý boıynsha 24 aılyq kezeńge jeńildik beremiz. Osylaısha, kásiporyn qajetti jabdyq alýyna, ony ornatyp, ju­mys­ty bastaýyna bolady. Sonymen birge ónim shyǵaryp, tabysqa kenele bastaı­dy. Al kepilge qoıý máselesine keletin bolsaq, ol zaemshyǵa banktiń stan­dart­ty jaǵdaıynda beriledi. Taǵy da mynany atap ótkim keledi, bankke de óndiristik sektor qyzyqty, óıtkeni ol otandyq ónimdi óndirip, naqty óndiris quraıdy. Biz óndiristik bıznesti belsendi túrde nesıeleımiz jáne de memlekettik baǵdarlamaǵa qatysýshy retinde óndirisshilerge kúrdeli kezeńdi eńserip, daǵdarystan nyǵaıyp shyǵýy­na múmkindik beremiz. Vladımır Davydovıch berilgen ne­sıe­ni bıznesti odan ári damytýǵa múm­kindik beretin tetik retinde erekshe baǵalaıdy. – Qazkomǵa jáne “DAMÝ” qoryna nesıeni qaıta qarjylandyrý múmkindigi úshin úlken rahmet. Tómendetilgen mólsherleme boıynsha nesıeni tóleý edáýir jeńildeı tústi, dep kásip­ker Levın moıyndaıdy. – Áıtkenmen, bizdiń kásiporyn daǵdarysty sezinbeı qalǵan joq. Qazkomnyń jáne “DAMÝ” qorynyń arqa­synda biz aldaǵy kúnderge degen senimi­mizdi jo­ǵalt­paı, jumys oryndaryn saqtadyq. Tu­tyný­shylarǵa qajetti jıhazdy óndirýdi toq­tat­qan joqpyz. Onyń qoljetimdi baǵaǵa jáne jo­ǵary sapaǵa ıe bolýyna kúsh-jige­rimizdi jum­sadyq. Tókken terimiz tekke ketpedi. Kásip­orynnyń jumysy qazirgi tańda qalypty. О́z isińe senseń, alynbaıtyn qamal joq eken. Já­ne de jaqsy áriptester janyńnan tabylyp jat­sa, kez kelgen jaǵdaıda, jańa josparlar qu­ryp, júzege asyrýǵa bolady. Memleket tara­py­nan jasalǵan úlken qoldaý dep osyny aıtqan abzal. … Mine osylaısha, Levınniń isi daǵdarysty birte-birte eńserip keledi. Dınara ÚSIPOVA.