Elordada osymen ekinshi ret IBSA «Judo Astana Grand Prix» halyqaralyq týrnıri ótti. Dodaǵa 15 elden 100-ge tarta balýan qatysty.
Parıj paralımpıadasynan keıin salmaq dárejesine ózgeris engizildi. Elorda tórinde balýandar jańa salmaqtarda kúresti. Reseı quramasy birneshe jyldyq úzilisten keıin qatysqan halyqaralyq dodaǵa tegeýrindi balýandaryn qosty. Parıj tórinde ótken paralımpıada saıysynda jalpyesepte Brazılııa balýandary top jarsa, Japonııa men bizdiń balýandarymyz bestikke engen bolatyn. Bul paradzıýdonyń elimizde de qarqyndy damyǵanyn aıqyndaı túsedi. «Beeline Arena» sport kesheninde ótken saıysta balýandarymyz 6 altyn, 4 kúmis, 5 qola medal enshilep jalpy esepte kósh bastady.
J1 sanatynda Dınara Kýjýlova (70 kg), Abylaı Ádilbekov (95 kg), Erlan О́tepov (+95 kg) chempıon atansa, J2 sanatynda Erlan Qońqıev (95 kg), Juqamyrza Shúkirbekov (+95 kg), Aıdana Ǵazızqyzy (+70 kg) jeńiske jetti.