QR Premer-mınıstri Oljas Bektenov Ekonomıkany demonopolızasııalaý jónindegi komıssııa otyrysyn ótkizdi, onyń sheńberinde Prezıdenttiń «Ekonomıkany yryqtandyrý jónindegi sharalar týraly» Jarlyǵyn iske asyrý máseleleri qaraldy, dep habarlaıdy Egemen.kz Úkimettiń baspasóz qyzmetine silteme jasap.
Atqarylyp jatqan jumystar týraly Premer-mınıstrdiń orynbasary Nurlan Baıbazarov, Básekelestikti qorǵaý jáne damytý agenttiginiń tóraǵasy Marat Omarov, múddeli memlekettik organdar men vedomstvolar basshylary baıandama jasady.
Komıssııaǵa «Shar stansasy – О́skemen» temirjol jelisi boıynsha tasymaldaý prosesin qamtamasyz etetin «Dosjan Temir Joly» AQ kompanııasynyń qyzmeti týraly aqparat berildi. Ýákiletti organdar kompanııanyń monopolııalyq erejeni paıdalana otyryp, qyzmetterge tarıfterdi birneshe ret negizsiz kótergenin anyqtady, osyǵan baılanysty Komıssııa monopolııaǵa qarsy zańnamany eskere otyryp, tıisti tarıftik retteýdi engizý týraly sheshim qabyldady.Sonymen qatar Komıssııa «Shet-Energo» JShS elektr energetıkasyn taratý kompanııasynyń qyzmetin taldaý nátıjelerimen tanysty. Atalǵan kompanııanyń turaqty apatty jaǵdaılarǵa jol berýine baılanysty, sondaı-aq óńir turǵyndarynyń ómiri men densaýlyǵyna zııan keltirmeý úshin kompanııanyń múlkin memleket paıdasyna rekvızısııalaý maqsatynda sotqa júginý týraly sheshim qabyldanǵan.Sondaı-aq, Komıssııa «QTJ» UK» AQ enshiles kompanııasynyń, sýmen jabdyqtaý jáne sý burý uıymdarynyń, munaı-hımııa kesheni sýbektisiniń qyzmetine qatysty máselelerdi qarady.