Almaty oblystyq prokýratýrasy 4 qazan kúni Talǵardaǵy tóbeles oqıǵasynda qaza bolǵan Sherzat Bolattyń isin tergeý isi aıaqtalýǵa jaqyn ekenin málim etti, dep jazady Egemen.kz.
Oblystyq prokýratýranyń habarlaýynsha, qylmystyq iske qatysy bar kúdiktilerdiń barlyǵy ustalǵan.
«Qazirgi ýaqytta saraptama nátıjelerin kútip otyrmyz. Saraptama qorytyndysynan keıin is prosestiń qatysýshylaryna tanysý úshin beriledi», delingen Almaty oblystyq prokýratýrasynyń habarlamasynda.
Sondaı-aq vedomostvo Qarjaýbaı Nurymovtyń úıin órteý jáne Nurǵanat Ǵaıypbaevtyń óz-ózine qol jumsaýy boıynsha qylmystyq isterdiń tergelý barysy bas prokýratýranyń baqylaýynda ekenin eske saldy.