Aýa raıynyń nasharlaýyna baılanysty oblys tas jolynyń bir bóliginde kólik qozǵalysyna shekteýler engizildi, dep habarlaıdy Egemen.kz «QazAvtoJol» AQ baspasóz qyzmetine silteme jasap.
«2024 jylǵy 17 jeltoqsan saǵat 10:00-de Jetisý oblysy boıynsha aýa raıynyń buzylýyna baılanysty «Úsharal-Dostyq» avtojolynyń 84-164 shaqyrym aralyǵynda (Kóktýma stansasynan Dostyq aýylyna deıin) kóliktiń barlyq túriniń qoǵalysyna shekteý qoıylady», delingen habarlamada.
Aıta keteıik, kelesi respýblıkalyq avtojoldarda kólik qozǵalysy ashyldy:Qostanaı oblysy:
«Qostanaı-Áýlıekól-Surǵan» avtojolynyń 108-232 shaqyrym aralyǵy.Aqmola oblysy:
«Qostanaı-Áýlıekól-Surǵan» avtojolynyń 232-260 shaqyrym aralyǵy. «Jaqsy-Esil-Buzylyq» avtojolynyń 71-82 shaqyrym aralyǵy. «Jezqazǵan-Petropavl» avtojolynyń 536-553 shaqyrym aralyǵy.