Sybaılas jemqorlyqqa qarsy is-qımyl barynsha kúsheıtiledi

Ár sybaılas jemqorlyq áre­ketiniń jaýapsyz qalmaı­ty­nyn árbir qyzmetkerdiń bilýi biz úshin mańyzdy. Biz sybaılas jemqorlyqqa qarsy kom­­plaens-qyzmetti engi­zip, múddeler qaqtyǵysyn boldyr­­maýǵa jáne sybaılas jem­qorlyq táýekelderin barynsha azaıtýǵa baǵyttalǵan ishki saıasatty ázirledik. Tereń taldaý júrgizip, nátıjesinde sybaılas jemqorlyq kórinisteriniń yq­tı­maldylyǵy joǵary laýazym­dar tizilimin quryp, sybaı­las jemqorlyqqa qarsy nor­malardyń saqtalýyn únemi qa­da­­ǵalaıtyn jáne adal­dyq má­de­nıetin nyǵaı­týǵa kómek­tese­tin komplaens-ofıserler laýazym­daryn engizdik.

TJM júıesindegi sybaılas jemqorlyqqa qarsy kúres tek arnaıy qyzmetterdiń isi ǵana emes, sondaı-aq árbir basshynyń jeke jaýapkershiligi ekenin atap ótkim keledi. Jeke jaýapkershilik qaǵı­datyna sáıkes qyzmetkerler arasyndaǵy kez kelgen sybaılas jemqorlyq kórinisteri úshin jumystan shyǵarýǵa deıingi eń qatań sharalar qoldanylýy múm­­kin. Osyny áriptesterimizdiń túsinýi ma­ńyzdy: adaldyq pen ashyq­­tyq – jumysymyzdyń negizi.

2023 jyly Sybaılas jem­qorlyqqa qarsy qyzmetpen birlese otyryp, vedomstvo «Integrity check» jobasyn – qyzmetkerlerdiń parasat­ty­lyǵyn tekserý júıesin bastady. Bul joba profılaktıka men ár qyzmetkerge nazar aýdarý jaǵymsyz qubylystardyń aldyn alýǵa kómektesetinin dáleldep, oń nátıje kórsetti. Tek 2023 jyly para berý áreketteri týraly 45 habarlama kelip tústi jáne bul jaǵdaılardyń barlyǵy odan ári tergep-tekserý úshin sybaılas jemqorlyqqa qarsy qyzmetke jiberildi.

Bıyl bul baǵyttaǵy jumys­ty jalǵastyrdyq. 1 200-den asa is-shara, onyń ishinde qyz­metkerlerdiń túzeý meke­me­­­lerine barýy uıymdas­ty­ryl­dy. Bul jerde olar sy­baı­­las jemqorlyqtyń saldaryn óz kózimen kóre aldy. Qyz­­met­kerlerimizdi sybaılas jem­qor­lyq isteri boıynsha sot isin júrgizýge belsendi túrde tar­ta­­myz, osylaısha olar is jú­zin­de osy zulymdyqpen kúre­sý­diń mańyzdylyǵyn kóredi.

TJM kórsetetin barlyq 12 memlekettik qyzmet endi «E-lısenzııalaý» portaly ar­qyly elektrondyq formatta qoljetimdi. Bul sheshim qyz­metkerler men ótinish berý­shiler arasyndaǵy jeke baılanystardy boldyrmaıdy, óz kezeginde sybaılas jemqorlyq táýekelderin azaıtady.

Sonymen qatar baqylaý jáne qadaǵalaý úderisterin avtomattandyrý jumysy jalǵasyp jatyr. «Smart Data Ukimet» platformasy profılaktıkalyq tekserýler úshin obektiler tizimin jasaý kezinde adam faktorynyń áserin joıady, bul úderisti ashyq jáne obektıvti etedi.

О́rt baqylaý salasyndaǵy jumystyń ashyqtyǵyn arttyrý úshin departamentterdi vıdeo tirkeý qurylǵylarymen jab­dyq­tadyq. Bul qyzmet­ker­lerdiń kez kelgen buzýshy­lyq­tary men is-áreketterin naqty ýa­qyt­ta tirkeýge múmkindik beredi. Qa­zir­gi ýaqytta 1 142 vıdeo tir­keý qurylǵysyn satyp aldyq. Bul standarttardyń saqtalýyn baqy­laý­dy edáýir jaqsartady.

Jumysymyzdyń alǵashqy nátı­jeleri qazirdiń ózinde baı­qalyp jatyr. 2024 jyldyń 10 aıynda biz sybaılas jemqorlyq quqyq buzýshylyqtar sanynyń 20 jaǵdaıdan 7-ge deıin aıtar­lyqtaı tómendeýine qol jet­kiz­dik.

Júıedegi sybaılas jem­qor­lyqty joıýǵa bolatynyna se­­nimdimin. Biz adal jáne ashyq jumys isteımiz. Shynyn­da da qatań baqylaý men jalpy sheshimniń arqasynda azamat­tar­dyń qaýipsizdigi men senimin qamtamasyz ete alamyz, al ju­my­­symyz basqa salalarda úlgi bolady.

Shyńǵys ÁRINOV,

Tótenshe jaǵdaılar mınıstri, general-maıor