OŃTÚSTIKKE ARNALǴAN KО́GILDIR OTYN

Aǵymdaǵy jyldyń 18 maýsymynda Jambyl ob­lysynyń ákimi Qanat Bozymbaev pen “QazTransGaz” kompanııalar tobynyń bas dırektory Serik Sultanǵalıev Yntymaqtastyq týraly memorandýmǵa qol qoıdy. Ol strategııalyq seriktestikti ornatýdy jáne uzaq merzimdi, tıimdi jáne ózara paıdaly yntymaqtastyqty damytýdy, sondaı-aq “2015 jylǵa deıingi perspektıvamen 2007-2010 jyldarǵa Jambyl oblysyna gaz berýdiń keshendi baǵdarlamalaryn” iske asyrýdy kózdeıdi. Memorandýmǵa sáıkes, taraptar 5.0 mlrd. teń­geden asatyn somaǵa Jambyl oblysynyń shamamen 140 eldi mekenine gaz berýdi jalǵastyrý nıeti, gaz berýdi qarjylandyrýdy qoldanystaǵy gaz taratý jelilerin respýblıkalyq jáne jergilikti bıýdjetter qarajaty, tartylǵan ınvestısııalar men basqa da kózderden jańartý men qaıta qurý boıynsha joba­lardy qosymsha qarjylandyrýdy qamtamasyz etý boıynsha sharalar qoldanýǵa kelisti. Soǵan qosa, zań­namada belgilengen tártipte taraptar “QazTransGaz” AQ-tyń keıinnen paıdalanýy úshin gaz berýdiń jańadan salynǵan nysandaryn berý týraly, 2030 jylǵa deıin óńirdi áleýmettik-ekonomıkalyq damytý baǵdarlamalaryn eskerip, kompanııanyń oblys tutynýshylarynyń gazdy tutynýy boljamyn ázirleýi men berýi týraly ýaǵdalasty. “QazTransGaz” AQ óz qarajaty esebinen nemese ob­lystyń qoldanystaǵy gaz taratý jelilerin jańartý men qaıta qurý baǵdarlamalarynyń tartylǵan qarajaty esebinen qosymsha qarjylandyrý múmkindigin qarastyrady. Kompanııa shyǵyndardy keıinnen óteý mehanızmin eskerip óz qarajaty nemese tartylǵan qarajattar esebinen kentaralyq ákeletin gaz qubyrlaryn salýdy da uıymdastyrady jáne 2010 jyldyń 2-jartysynda taratý gaz qubyrlaryna dıagnostıka jasaý jáne qoldanystaǵy taratý jelilerin jańartý men qaıta qurý TEN ázirleý múmkindigin qarastyrady. “QazTransGaz” AQ enshiles uıymy – Qazaqstan Res­pýblıkasy magıstraldy gaz qubyrlarynyń ope­ratory – “Intergaz Ortalyq Azııa” kompanııasy osy Memorandýmnyń eki tarmaǵy boıynsha ýákilettengen bolyp taǵaıyndaldy. Osy tarmaqtarǵa sáıkes “Intergaz Ortalyq Azııa” AQ 2011 jylǵa deıin Jambyl oblysynyń bıýd­jetine “Intergaz Ortalyq Azııa” AQ Taraz bó­limshesi ornalasqan jerde áleýmettik jáne kiris sa­ly­ǵyn tóleý máselesin sheshý boıynsha shara qol­dana­dy, sondaı-aq kompanıııanyń tabysty táji­rıbesi men múmkindikterin eskere otyryp, “Intergaz Ortalyq Azııa” AQ 2011 jyly Jambyl oblysyn turaqty gazben qamtamasyz etý maqsatynda “Qazaq­stan-Qytaı” magıstraldy gaz qubyryn “Buhara gazdy aýdany – Tashkent-Bishkek-Almaty” magıs­­traldy gaz qubyrymen biriktiretin gaz qubyryn salýdy uıymdastyrady. “Intergaz Ortalyq Azııa” AQ bas dırektory Se­rik Estaıdyń aıtýy boıynsha, kompanııa respýb­lıkanyń ońtústik óńirlerine jáne atap aıtqanda Jam­byl oblysyna erekshe nazar aýdarady. Sondyq­tan da kompanııanyń ınvestısııalyq qyzmetiniń erekshe mańyzdy baǵyttarynyń biri respýblıka oblystaryna gaz berýdi damytýǵa negiz bolyp ta­bylatyn magıstraldy gaz qubyrlary júıesin da­my­tý bolady. Biz taza ekonomıkalyq mańyzyna qa­raǵanda, zor áleýmettik mańyzy bar jobalardy júzege asyramyz, – dep atap ótti S.Estaı.