QADAǴALAÝ BARYSY KÚShEITILDI

Keshe Bas prokýratýranyń resmı ókili N.Súıindikov Qylmystyq atqarý júıesiniń Mańǵystaý oblysy boıynsha  basqarma­sy­na qarasty qatań tártiptegi №23 túzeý me­ke­mesindegi oryn alǵan jaǵdaıǵa baılanys­ty úsh birdeı qylmystyq is qozǵalǵanyn habarlady. Onyń ekeýin prokýratýra or­gandary QK-tiń 358, 96-baptary boıynsha qashqan sottalǵandarǵa qatysty jáne úshinshi qylmystyq isti QK-tiń 316-baby boıynsha osy atalǵan túzeý mekemesiniń basshylyǵyna qatysty qozǵady. Bas prokýratýra medısınalyq-áleý­met­tik mekemelerde turatyn qarttar men múge­dekterdiń quqyqtaryn saqtaýdyń jaı-kúı­ine tekserý júrgizgen edi. Sonda álgi qam­qor­lyqtaǵy adamdardyń ómiri men densaý­ly­ǵyna qaýip tóndiretin kóptegen zań buzýshylyqtar anyqtalyp, atalǵan meke­melerdegi kórsetiletin qyzmetterdiń sapa­syzdyǵy, ınternat-úılerdiń shekten tys toltyrylýy júıelik sıpat alǵandyǵy belgili boldy. Mysaly, Jambyl obly­syn­daǵy 100 adamǵa arnalǵan múgedekter men qarttar úıinde is júzinde 300-den astam adam turyp jatyr. Basqa óńirlerde de os­yn­daı jaǵdaı qalyptasqan, keıbir me­ke­melerde orynnyń jetispeýine baılanysty qamqorlyqtaǵy adamdar dálizderge orna­lastyrylǵan. Tipti keıbir jerlerde ınternat ákimshi­likteriniń qujattandyrý jónindegi min­detterin durys oryndalmaýy saldarynan júz­degen múgedekter men qarttar Konstıtý­sııada kepildik berilgen áleýmettik tólem­aqy­lardy alý quqyǵynan múldem aıyryl­ǵan. Mundaı zań buzýshylyqtar Atyraý, Qyzylorda jáne Mańǵystaý oblystary­nyń medısınalyq-áleýmettik mekemele­rin­de oryn alyp otyr. Internattarda órtke qarsy qaýipsizdik talaptaryn saqtaý jaı-kúıi negizdi alańdatýshylyq týdyrady. “Jalpy, tekserý nátıjeleri boıynsha 1,5 myńnan astam zań buzýshylyqtar anyq­tal­dy, olardy joıý úshin 130-dan astam usy­nys engizilip, 9 narazylyq keltirildi, 2 qylmystyq is qozǵaldy, 80-nen astam tulǵa ártúrli jaýapkershilikke tartyldy, 4 myńnan astam azamattardyń konstıtýsııa­lyq quqyqtary qorǵaldy”, deıdi resmı ókil. Qoǵamda rezonans týdyrǵan jáne ar­naıy prokýrordyń óndirisinde bolǵan Ae­ro­mobıl áskerleri qolbasshysynyń bu­rynǵy orynbasaryna qatysty qylmystyq is sotqa joldanǵan. Bul is bılikti asyra paıdalaný jáne áskerı qajettilik úshin kózdeýishterdi, desantshylardy daıyndaýǵa arnalǵan trenajerlardy, sondaı-aq para­shıýt­terdi jańartý jónindegi jumystardy satyp alý kezinde memlekettik qarajatty urlaý faktisi boıynsha qozǵalǵan bolatyn. Endi alaıaqtyq, zańsyz kásipkerlik jáne urlanǵan qarajatty zańdastyrý úshin sotqa úsh ónim berýshi kompanııalardyń basshy­la­ry men menedjerleri de tartylǵan kórinedi. Aleksandr TASBOLATOV.