Memleket basshysy «Ana tili» gazetine bergen suhbatynda jýrnalıstiń «Áleýmettik jelide Siz 2026 jyly Birikken Ulttar Uıymyn basqarýyńyz múmkin, soǵan baılanysty elimizde kezekten tys Prezıdent saılaýy ótedi degen qaýeset tarap jatyr. Osy qaýesettiń negizi bar ma?» degen saýalyna jaýap berdi, dep habarlaıdy Egemen.kz.
Prezıdent óziniń elimizdi damytýǵa qatysty talaı jylǵa arnalǵan aýqymdy jospary baryn, onyń bárin júzege asyrýǵa nıetti ekenin aıtty.
«Men Birikken Ulttar Uıymy bas hatshysynyń orynbasary jáne Qarýsyzdaný jónindegi konferensııanyń bas hatshysy retinde osy uıymnyń Jenevadaǵy keńsesin úsh jylǵa jýyq basqardym. Halyqaralyq úderisterdiń qyr-syryna boılap, mol tájirıbe jınadym. Osynyń ózi artyǵymen jetedi dep oılaımyn», dedi Memleket basshysy.