Prezıdent Qasym-Jomart Toqaevtyń «Ana tili» gazetinde jarııalanǵan «Maqsatym – ekonomıkany jáne egemendikti nyǵaıtý» atty keń kólemdi suhbatymen zor yqylaspen tanysyp shyqtym. Memleket basshysy ádettegideı elimizdiń ishki-syrtqy saıasaty, ekonomıka men bıznes, mádenıet pen til, qarjy men valıýta, zań men tártip, basqa da birqatar máseleni egjeı-tegjeıli qozǵaǵan.
Sonyń ishinde Prezıdent ǵylym men bilim, jastar máselesin óz jumysynyń basym baǵyty ekenin taǵy da aıshyqtaı tústi. Sóz joq, jastar – qoǵamnyń qozǵaýshy kúshi, erteńgi eldiń bek tiregi, bolashaqtyń bastaýy, elimizdiń básekege qabilettiliginiń negizgi faktory. Al básekege qabiletti bolý úshin óskeleń urpaq ulylardyń ulaǵatty ómir jolynan úlgi alyp, keleshekke kedergisiz jetý maqsatynda aıanbaı eńbek ete bilýi kerek. Bilim nári men dánin boıǵa sińirýge tıis.
El bolashaǵy olardyń kúsh-jigerine, patrıottyq sezimderine tikeleı baılanysty desek, qazirgi urpaqtyń elimizdiń kemel keleshegin nyǵaıtýǵa degen qulshynysy zor. Elimizde sanasy azat, oıy sergek tutas bir jańa býyn qalyptasyp, ósip jetildi. Biz Táýelsizdigimizdiń taǵy bir belesine jarqyn jetistiktermen aıaq basyp kelemiz. О́skeleń urpaqtyń erteńi úshin memleket tarapynan mańyzdy sheshimder qabyldanyp jatyr. «Bolashaq» baǵdarlamasy arqyly jastarymyz álemniń bedeldi oqý oryndarynda bilimin kóterdi. Elimizdegi joǵary bilim beretin oqý ordalarynyń dárejesi jyl sanap ósip keledi. JOO bilim berý baǵdarlamalary da jańaryp, álemdik standarttarmen sáıkestendirildi. Tarıhy tereń, mártebesi joǵary ýnıversıtetter stýdentterge osy júıe boıynsha bilim beredi.
Búginde bilim izdegen jannyń joly ashyq. Elimizdiń joǵary oqý oryndary álemdegi úzdik ýnıversıtetteri qataryna batyl enip keledi. Ǵylymǵa qarjy bólý, oqytýdyń jańa baǵdarlamalary jáne ǵylymı ázirlemelerdi is júzinde qoldanýǵa basa nazar aýdarylyp jatyr.
Sondaı-aq stýdentterdi jan-jaqty qoldaý maqsatynda joǵary jáne joǵary oqý ornynan keıingi bilim berý júıesin jańǵyrtý ári reformalaý boıynsha aýqymdy sharalar qabyldanyp otyr. Ǵylymdy damytýǵa bólinetin qarajat kólemi artyp keledi. Otandyq ǵalymdardyń ázirlemelerin qoldaý men kommersııalandyrý jónindegi baǵdarlamalar engizilip keledi. Tutastaı alǵanda, bilim berý júıesi men ǵylym salasy ǵylymı-tehnologııalyq progress suranystarynan týyndaıtyn serpindi damý satysynda tur.
Eń aldymen, bereke-birligi, yntymaǵy jarasqan jastarymyz ortaq maqsatqa uıysqan ult eshqashan utylmaıtynyn, eshteńden qur qalmaıtynyn túsingen. Sebebi olar eldiń tutastyǵy bereke-birlikten bastalatynyn jaqsy biledi.
Erlan SYDYQOV,
UǴA akademıgi