Prezıdent Qasym-Jomart Toqaevtyń «Ana tili» gazetine bergen suhbatynda eldiktiń sara jolyna, memlekettiń ishki jáne syrtqy saıasatyna qatysty bastamalar jan-jaqty qamtyldy. Ásirese qoǵamda zań men tártip qaǵıdasyn iske asyrýdyń mán-mańyzy saraptaldy.
«Biz quqyq normalaryna qurmetpen qaramasaq, Ádiletti Qazaqstandy quryp, ony órkendegen memleket ete almaımyz. Sondyqtan bizdiń mindetimiz – bul qaǵıdatty elimizdiń qundylyqtar júıesine barynsha kiriktirip, halyq bolmysynyń, qoǵam ómiriniń ajyramas bóligine aınaldyrý qajet», dep otandastardy zań men tártipti basty qundylyq etýge shaqyrdy.
Mine, suhbattyń túıindi tusy osy dep bilemin. Biz ozyq elge aınalamyz desek, Prezıdent aıtqandaı, zańǵa baǵynǵan, tártipti bıik ustanatyn ultqa aınalýymyz tıis. Ortaq tártipke baǵynǵan nemister men japondardyń tájirıbesi osyǵan mysal bola alady. Jalpy, elimizde áleýmettik ınfraqurylymdyq damytý, ekonomıkany ártaraptandyrý, ınvestısııa tartý jáne bıznesti damytý, sıfrlandyrý baǵytynda júıeli jumystar atqarylyp jatyr.
Qazaqstannyń áleýmet-ekonomıkalyq, rýhanı-aǵartýshylyq baǵytynda iske asyrylyp jatqan jarqyn bastamalardy Qyzylorda oblysynan aıqyn kórýge bolady. Máselen, elimizdiń soltústigi men ońtústigin baılanystyratyn kúre jol – Qyzylorda-Jezqazǵan jolynyń qurylysy qarqyndy júrgizilip, bıýdjetten tys qarjy kózderiniń esebinen Qyzylordadaǵy Qorqyt ata áýejaıynda jańa zamanaýı ǵımarat paıdalanýǵa berildi. Qyzylorda-Aqtóbe baǵytyndaǵy halyqaralyq eki jolaqty joldy tórt jolaqty etýdi qujattandyrý jumysy júrgizilip, jol qurylysy bastalady. Bul óńirlerdiń kóliktik qoljetimdiligin aıtarlyqtaı arttyrady, jolaýshylarǵa qyzmet kórsetýdi sapaly jańa deńgeıge shyǵarady jáne qalalardyń jedeldetilgen ekonomıkalyq damýyna yqpal etedi.
Ekonomıkany ártaraptandyrýda shaǵyn jáne orta bıznes sheshýshi ról atqarady. Ozyq elderdiń ekonomıkasyn básekege qabiletti etýde bıznestiń róli zor. Syr óńiri bıznestiń áleýmettik jaýapkershiligin arttyrý aıasynda qarjy tartýdan da kósh basynda keledi. Áleýmettik ınfraqurylymdardy jetildirýden de Syr óńirinde ilkimdi ister jeterlik. Byltyr barlyq aýdanda «Rýhanııat ortalyqtary» boı kóterdi, bıyl ortalyq «Qyzylorda-Arena» stadıony salynady. Jeke ınvestor qarjysy esebinen Jylý elektr ortalyǵy salynyp jatyr. Iаǵnı Qyzylorda oblysy – ınvestısııa tartýdan kósh ilgeri. 2024 jyly negizgi kapıtalǵa 559 mlrd teńge ınvestısııa tartylyp, ósim 20,6 paıyzdy qurady. Aıta ketetini, Syr óńiri shetel ınvestısııalaryn, ozyq tehnologııalardy tartý jumystaryn belsendi júrgizip keledi.
2025 jyly oblys aýmaǵyndaǵy barlyq eldi meken ortalyqtandyrylǵan aýyzsýmen 100 paıyz qamtamasyz etiledi. Árıne, mundaı ıgi bastamalar elimizdiń barlyq aımaǵynda sátti iske asyp jatyr. Jalpy, Prezıdenttiń suhbatynda eldiń áleýmettik, ekonomıkalyq, ekologııalyq, rýhanı-mádenı ilgerileýi qamtyldy.
Rýslan RÚSTEMOV,
Senat depýtaty