ASTANA. 1 mamyr. Keshe, beısenbi kúni Qyrǵyzstan Jogorký keneshi Sarıev Temır Argembaevıchti premer-mınıstr laýazymyna bekitti. Bul týraly KNews habarlady.
Sarıevtiń kandıdatýrasyn parlamenttegi kópshilik koalısııasy usyndy. «Ar-Namys» alıansynyń tóraǵasy Felıks Kýlıev osyǵan oraı úkimet quramyndaǵy Qyrǵyzstandaǵy ıntegrasııa jáne basqa da máseleler boıynsha júrip jatqan aǵymdaǵy prosesterdiń bárin biletin adamdy tańdaý týraly uıǵarym bolǵanyn atap ótti.
Kandıdatýrasyn talqylaý barysynda Sarıev mınıstrler kabınetin jónge keltirýge, qatań tártip ornatýǵa, sondaı-aq ádil parlament saılaýyn ótkizýge ýáde berdi. Ol sonymen qatar úkimettiń qurylymyn ózgertýge ýaqyt tapshy bolǵanyn, sondyqtan tek bos oryndarǵa ǵana jańa mınıstrler taǵaıyndap, burynǵy kabınet quramyn qaldyrýǵa sheshim qabyldanǵanyn málimdedi. Osylaısha qarjy mınıstriniń oryntaǵyna onyń burynǵy orynbasary Adylbek Kasymalıev, ekonomıka mınıstri bolyp Sarıevtiń burynǵy orynbasary Oleg Pankratov, al kólik jáne kommýnıkasııa mınıstri bolyp Argynbek Malabaev taǵaıyndaldy.
Depýtattar talqylaý kezinde Sarıevke ózderin qyzyqtyratyn birneshe suraqty qoıyp alyp, ony úkimet basshysy etip bekitti. Daýys berý qorytyndysynda jańa kandıdatýrany 97 depýtat qoldasa, 2 halyq óalaýlysy qarsy boldy.
О́tken aptada burynǵy premer-mınıstr Djoomart Otorbaev Jogorký keneshte byltyrǵy jyly atqarylǵan jumystar jóninde esep berip bolǵannan keıin óziniń otstavkaǵa ketetinin málimdegen edi.
Sáken Maılybaı.
Derek, sýret: KNews.