Qyzylorda oblysynyń barlyq aýdanynda polısııa bólimderiniń Jedel basqarý ortalyqtary iske qosyldy. Kez kelgen qylmystyń izin sýytpaı ashýǵa septigin tıgizetin bul joba Ishki ister mınıstrliginiń bastamasymen jáne Qyzylorda oblysy ákiminiń qoldaýymen elimizde alǵash ret sıfrlyq múmkindikterdi keńinen qoldanatyn Syr óńirinde júzege asyp otyr.
Biregeı «Jedel basqarý ortalyǵy» jobasy aıasynda ár aýdanǵa 77 beınebaqylaý kamerasy men jyldamdyqty ólshegish 7 qural ornatyldy. Osy arqyly qoǵamdyq tártipti buzý áreketterin anyqtaý aıtarlyqtaı ońaılaı tústi. Bul – qoǵamda tártip ımmýnıtetin kúsheıtýge jol ashatyn mańyzdy qadamnyń biri.
Jedel basqarý ortalyqtary quqyq buzýshylyqtardyń aldyn alýdan bólek oqys jaǵdaıǵa ushyraǵan azamattarǵa der kezinde kómek kórsetýge septigin tıgizip, jol-kólik oqıǵalarynyń sanyn azaıtýǵa múmkindik beredi.
О́tken jyly osyndaı kameralar kómegimen 138 qylmys ashylyp, 50 myńǵa jýyq ákimshilik quqyqbuzýshylyq anyqtalǵan.
Qyzylorda