Bıyl memleket jeti birdeı eldi mekenge gaz tarttyrý úshin qazynadan 65,9 mlrd teńge bólip otyr. Iаǵnı 12 mln 400 myń turǵyn kógildir otyndy paıdalana alady, dep habarlaıdy Egemen.kz.
Osyǵan oraı elimizde birneshe joba iske asyrylyp jatyr.
Atap aıtsaq, «Fınskaıa-120» avtomattandyrylǵan gaz retteý stansııasyn jáne magıstraldyq gaz burý qubyryn salý Atyraý oblysyndaǵy iri jobalardyń biri.
Sonymen qatar osy jyly «Taldyqorǵan – Úsharal» magıstraldyq gaz qubyrynyń qurylysy aıaqtalady.
Memleket basshysynyń tapsyrmasyna sáıkes, qurylysy júrip jatyrǵan uzyndyǵy 302 km «Taldyqorǵan-Úsharal» magıstraldyq gaz qubyry 124 myń adamdy qamtıtyn Jetisý oblysynyń 66 eldi mekenin tabıǵı gazben qamtamasyz etedi.
Buǵan qosa Qashaǵan ken ornynda qýaty jylyna 1 mlrd m3 MО́Z salý jumystary jalǵasyp jatyr.
Joba shıki gazdy qaıta óńdeýdiń ulttyq baǵdarlamasy sheńberinde iske asady. Bul Qashaǵan ken ornynan munaı óndirýdi táýligine 25 myń barrelge ulǵaıtýǵa jáne ishki tutyný úshin taýarlyq gaz kólemin jylyna 700 mln m3 ulǵaıtýǵa múmkindik beredi.
Al Qashaǵan ken ornynyń shıkizat bazasynda jylyna 700 myń tonnaǵa deıingi kólemde suıytylǵan munaı gazyn óndirý jónindegi tehnologııalyq keshenniń qurylysy bastaldy.
Aıta keteıik, 2026 jyldan bastap suıytylǵan munaı gazynyń qosymsha kólemi halyqty avtogazben qamtamasyz etedi jáne óńirde munaı-gaz hımııasyn damytýǵa jol ashady.