ASTANA. 2 mamyr. Ýkraınalyq olıgarh Dmıtrıı Fırtash AQSh-qa ekstradısııalanbaıdy. Mundaı sheshimdi 30 sáýir kúni on saǵatqa sozylǵan prosesten soń Vena soty qabyldady, dep habarlady lenta.ru.
Sot prosesine qatysqan Ýkraına Joǵarǵy Radasynyń depýtaty Vadım Rabınovıch óziniń feısbýktaǵy paraqshasynda sýdıanyń keıbir sózderin keltirgen: «Men jeke tulǵalardyń myńdaǵan qujattaryn qaradym, adam quqyqtary jónindegi mamandardy tyńdadym. Istiń saıası astary bar, meniń sheshimim faktilerge negizdelgen».
Esterińizge sala keteıik, Dmıtrıı Fırtashqa tıtan óndirýge ruqsat beretin lısenzııaǵa ıe bolý úshin úndi sheneýnikterine para bergen degen kúdik keltirilgen. Alaıda, Vena soty AQSh tarapynyń kásipkerge qatysty dálelderi jetkiliksiz degen qaýly shyǵardy. Al prokýror sot sheshimine qarsy shaǵymdanatynyn alǵa tartty.
Sot otyrysy barysynda qorǵaýshylar AQSh-tyń D.Fırtashty qylmystyq jaýapkershilikke tartý amaldarynyń saıası astary bar ekenin jáne bul qajettiliktiń Qurama Shtattar men Reseı arasyndaǵy «geopolıtıkalyq oıynnan» týyndaǵanyn málimdedi.
Aıdar О́risbaev.
Derek: lenta.ru.
Sýret: ap.org.