Otbasy Banki «Naýryz jumysker» jańa baǵdarlamasy iske qosylǵanyn habarlady, dep jazady Egemen.kz.
Baǵdarlama ónerkásip, energetıka, kólik, aýyl sharýashylyǵy jáne sý resýrstary salalarynyń qyzmetkerlerin baspanamen qamtýǵa baǵyttalǵan.
Bıyl «Naýryz jumysker» baǵdarlamasy aıasynda jumysshy mamandyqtary ókilderine 72 mlrd teńge kóleminde 2 440 nesıe berilmek. О́tinimderdi qabyldaý 2025 jyldyń 17 naýryzyna josparlanǵan. «Naýryz jumysker» «Naýryz» turǵyn úı baǵdarlamasynyń bir bóligi bolmaq. «Baǵdarlama talaptary boıynsha azamattardyń áleýmettik osal sanattary úshin 7% (JTSM 7,1%-dan 9,6%-ǵa deıin) jáne qalǵan barlyq sanattar úshin 9% (JTSM 9,4%-dan 13%-ǵa deıin) mólsherlememen nesıe beriledi. Bastapqy jarna – taza árleýdegi bastapqy turǵyn úıdi satyp alý úshin 10 paıyzdan, árlenbegen bastapqy turǵyn úıdi jáne qaıtalama naryqtaǵy turǵyn úıdi satyp alý úshin 20 paıyzdan bastalady. Nesıeniń eń joǵary somasy oblystar úshin 30 mln teńge, Astana men Almaty qalalary úshin 36 mln teńge», delingen Úkimet habarlamasynda. Otbasy banki «Naýryz jumysker» baǵdarlamasymen qatar otandyq kásiporyndarmen «korporatıvtik» ónim sheńberinde jumys isteıdi. Bul kásiporyndardyń óz qyzmetkerlerine nesıe berý úshin qarajat bólýine yqpal etedi.