Qaıǵyly oqıǵa 20 qańtarda Atyraýdaǵy turǵyn úı kesheniniń qurylysynda bolǵan, dep habarlaıdy Egemen.kz.
«Aq Jaıyq» basylymynyń jazýynsha, Atyraýda salynyp jatqan turǵyn úı kesheniniń besinshi qabatynda qurylys jumystaryn júrgizip jatqan 1983 jáne 1992 jyly týǵan jumysshylar bıikten qulap ketken.
«41 jastaǵy er adam oqıǵa ornynda kóz jumdy, 32 jastaǵy er adam túrli jaraqattarmen Atyraý oblystyq aýrýhanasyna jatqyzyldy», delingen habarlamada.
Atyraý oblystyq polısııa departamenti baspasóz qyzmetiniń habarlaýynsha, atalǵan fakti boıynsha QR Qylmystyq kodeksiniń «Eńbekti qorǵaý erejelerin buzý» babyna sáıkes qylmystyq is qozǵaldy.